Многу работи се менуваат во текот на бременоста, а една неочекувана промена што може да ви се случи е да почнете да ‘рчите, иако претходно не сте ‘рчеле. Иако точната преваленца е непозната, се верува дека повеќето трудници ‘рчат, најчесто во третиот триместар од бременоста.
Гинекологот д-р Мемли Морина ги наведува причините поради кои бремените жени ‘рчат:
- Носната слузница е повеќе отечена поради зголеменото ниво на естроген во телото. ‘Рчењето е можно и ако носните патишта се блокирани од други причини, како настинка или алергии.
- Проблемите со сонот и ‘рчењето се поизразени доколку трудницата добие многи килограми за време на бременоста. Причината за тоа е зголеменото количество ткиво во вратот и грлото.
Понекогаш може да се развие апнеја при спиење, па ако вашиот партнер ви каже дека ‘рчите многу гласно и дека понекогаш ви се чини дека се мачите да дишете, треба да се консултирате со лекар. Можно е да имате кратка, привремена блокада на дишните патишта.
За да избегнете ‘рчење, а секако и некои здравствени компликации, препорачливо е да спиете на страна, не на грб, со малку подигната глава, но и да не пушите, да пиете алкохол или да пиете апчиња за спиење. Исто така, советот е да се обидете да ја држите под контрола тежината, т.е. за да се избегне преголема тежина за време на бременоста.
