![27](https://pedijatar.mk/wp-content/uploads/2024/07/27-696x365.jpg)
Научници од Германија и Велика Британија одлучиле да пронајдат одговор на прашањето зошто децата лажат. Нивната студија покажала дека социјалното потекло игра главна улога во склоноста кон лажење.
Експертите го спровеле експериментот со помош на коцки. Тие ги замолиле децата да фрлат коцка и да го предвидат бројот што ќе го покаже коцката пред фрлањето. Доколку прогнозата и резултатот се поклопувале, ветен им бил одреден паричен износ. Децата не биле набљудувани додека ги фрлале коцките и никој не можел да провери дали нивното предвидување е точно или не. Поради тоа, децата можеле да бидат сигурни дека лагата нема да биде разоткриена.
„Ако сите ја кажуваа вистината, шестина од учесниците, или околу 16,7%, би дале точно предвидување. Меѓутоа, повеќе од 60% тврдеа дека нивното предвидување и резултатот на коцките се совпаѓаат. Тоа значи дека голем број на децата сигурно лажеле“, вели економистот Јоханес Абелер од Универзитетот Оксфорд.
Научниците потоа го истражувале социјалното потекло на децата.
„Нашите проценки јасно покажуваат дека децата од побогатите домаќинства се поискрени и почесни. Освен тоа, наоѓаме повисок степен на искреност кај децата кои имаат сочувствителни родители и повисок степен на доверба во нивната семејна средина“, објаснува Абелер.
Во студијата учествувале околу 700 деца родени помеѓу септември 2002 и август 2004 година. Резултатите од студијата се објавени во списанието The Economic Journal.