Не е реткост бебе или помало дете, одеднаш на се, да почнат да реагираат со удирање на главата во ѕид или под, а иако на родителите тоа им изгледа страшно и често се прашуваат дали е тоа нормално и зошто моето дете го прави тоа – без грижа, не е тоа ништо чудно.
Таквото однесување е всушност многу вообичено, особено за децата на две годишна возраст. Таа фаза може да трае и неколку месеци, а некогаш и подолго.
Зошто децата ја имаат таа потреба?
Ритмичното удирање со глава, всушност ги смирува децата, па тоа често знаат да го прават кога се вознемирени, фрустрирани, лути, па дури и исплашени.
Понекогаш детето така бара дополнително внимание, а понекогаш може да биде во прашање и некоја физичка болка која детето не може да ја објасни, по удирањето со глава во ѕид или под, е всушност пренасочување на болката.
Во ретки случаи, удирањето со глава може да укажува на аутизам, симптоми од аутистичниот спектар или некое друго пореметување.
Зошто го прават тоа?
Обично се вели дека тоа го прават деца со вишок енергија кои немале можност да се ослободат од неа, па со удирањето со глава ја исфрлаат непотрошената енергија и агресија. Затоа, на детето кое има таков обичај да удира со главата во ѕид, треба да му се овозможи редовна физичка активност.
Ако оваа фаза не минува, а детето почнува и покрај удирањето во ѕид и чудно да се однесува, да се затвора во себе и се почести почнува концентрирано да ја удира главата, време е за разговор со стручно лице.
