Вашето дете разбира многу нешта, сака и да се расправа, но сте изненадени од една појава. Од сите зборови што ги кажувате, тоа баш не го разбира најкраткото и наједноставното значење – НЕ. И се прашувате до кога ќе постои ова недоразбирање во комуникацијата.
Еве зошто децата не го прифаќаат вашето НЕ, без разлика колку сте сериозни кога го кажувате.
1. Мора да го аргументирате вашиот став!
Некои деца се родени адвокати. Кога ќе кажете „не“, за вас тоа е крај на приказната, но вашето дете секогаш сака да го знае одговорот на прашањето „зошто не?“ Ако не се задоволни со одговорот и не им е логичен во нивната глава, ти ќе го сфатат како „да“.
2. Кога ќе ја почувствуваат вашата несигурност
Ако имате мал мудрец, кој чувствува дека сте несигурни и неодлучни зоколу вашето „не“, тоа ќе најде начин да го претвори во „да“ во следните три минути.
3. „Прашај го тато… можеби ќе добиеш поинаков одговор“
Ако не сакате да преземете одговорност за вашата одлука и не сакате да бидете „тој лошиот“ родител, кој забранува сè, отворате простор за манипулации, во кои вашето дете вешто ќе маневрира и ќе го добие токму она што сака од двајцата родители.
4. Пречесто велите „ДА“
Има деца кои толку ретко го слушаат зборот „не“ што едноставно не го доживуваат кога ќе се појави во реченица. Во нивниот свет сè е „да, да, да“.
5. Ако еднаш сте попуштиле, а детето е упорно…
Ова е вистинска битка родител и дете, а детето еднаш или можеби двапати ја добило битката затоа што открило дека сте попуштиле само затоа што било доволно упорно. Е, ова е тешко да се поправи!
6. Не можете да се справите со тантрум?
Се наоѓате на јавно место. Дете од вас бара нешто неразумно, а вие одговарате со „не“. Започнува нервен слом од епски размери, а вие го менувате вашето „не“ во „да“ за да ја избегнете осудата од околината.
7. „Ако навистина ме сакаш, ќе кажеш – да“
Кога вашето дете има слатко, намуретно лице и насолзени очи, веќе сте запливале во длабоки емотивни води и време е да кажете цврсто „не“ и да се држите до својата одлука повеќе од три минути! Инаку… потонавте!!!
