Поврзаноста со детето е едно од најголемите парчиња во сложувалката на среќното родителство. Исто така, изнаоѓањето начини за поврзување со вашето дете во текот на денот го намалува бунтовното и генерално непожелно детско однесување бидејќи се раѓа чувството на разбирање и доверба.
Кога помеѓу вас и детето ќе дојде до „прекин“, прво треба, верувале или не, да се испитате себе, бидејќи најверојатно причината лежи во вас – имено, не можеме да ги промениме нашите деца, но можеме да најдеме начин да постигнеме позитивна интеракција со нив. Зошто децата не сакаат да разговараат со своите родители и да им се доверат?
Родителите ги решаваат СИТЕ нивни проблеми
Родителите често претпоставуваат дека деца сакаат да им ги решиме проблемите или барем да им дадеме квалитетен совет. Но, понекогаш сме повикани едноставно за да бидеме слушатели, не мора нужно да паметуваме. Наместо веднаш да им понудите пет можни опции, обидете се со следново:
- Дали сакаш помош околу твојот проблем?
- Поттикнете заедничко размислување за решение на проблемот
- Дозволете му на детето да избере некое од неговите решенија, дури и ако се покаже дека е неуспешно.
Премногу зборуваат
Можеби вашето дете е повлечено и му треба малку време да се опушти и да се отвори. Немојте тоа да го „убиете со вашата бескрајна приказна“. Што можете да направите:
- Поставете отворено прашање
- Слушајте без прекинување и упади
- Обезбедете поддршка со тишина
Склони се на осуда
Децата често се плашат од реакцијата на родителите и дека ќе ги критикувате нивните одлуки, размислувања, пријатели… Што да направите по ова прашање?
- Вашите одговори нека бидат неутрални
- Побарајте повеќе детали, наместо да избрзувате со заклучоци
- Прашајте го детето како се чувствува во врска со својата одлука
Отсутни се
Можеби детето е подготвено да разговара со вас, но вие сте зафатени со други работи и немате време. Можеби вашето дете се натпреварува за вашето внимание со мобилниот телефон или компјутерот. Тоа не придонесува за вашиот однос. Пробајте го ова:
- Следете колку сте отсутни во текот на денот и направете нешто околу тоа.
- Кога разговарате со детето, научете да го спуштите телефонот и да се концентрирате.
- Ако сте навистина толку зафатени, направете го она што треба и посветете му го вашето дете целосно внимание
Ги присилуваат да зборуваат
Кога родителите се загрижени за своите деца, тие вршат притисок врз нив да им се доверат, што може да биде контрапродуктивно.
Наместо тоа:
- Најдете алтернатива како да прашате „зошто“
- Одржувајте ја комуникацијата отворена и дајте му на детето до знаење дека сте тука за него кога ќе сака да разговара
- Воведете дневник во кој децата ќе ги изразат своите чувства
