Многу деца во текот на растењето развиваат комплекс на пониска вредност кој влијае на тоа како се чувствуваат во друштво на други и колку се почитуваат самите себе. Постојат многу причини кои би можеле да придонесат за развој на овој комплекс, а овие пет се меѓу најчестите.
Влијание на родителите
Кога родителите се борат со ниска самодоверба и самопочит, тоа може да влијае и на нивните деца. Децата ги слушаат и „впиваат“ советите на нивните родители, додека притоа ги анализираат верувањата за сопствената вредност. Ако родителите постојано се сомневаат во себе или зборуваат негативно за нивните способности, децата може да усвојат слични ставови, што доведува до чувство на ипомала вредност.
Влијание на пофалбите
Пофалбата може да биде моќна алатка во обликувањето на детската слика за себе, но не сите пофалби се еднакви. Ако пофалбата е несигурна, детето може да се сомнева во неговата вредност. Кога пофалбата е премногу општа или не е поврзана со вистински достигнувања, не дава смислена потврда. Децата напредуваат со вистинска, специфична пофалба која ги препознава нивните напори и достигнувања, градејќи здраво чувство на сопствена вредност.
Влијание на малтретирањето и задевањето
Надвор од домот, децата се соочуваат со друг извор на потенцијална несигурност: малтретирање и задевања од врсници и други деца. Без разлика дали станува збор за исмејување на изгледот, интелигенцијата или социјалниот статус, навредливите зборови и постапки можат да ја поткопаат самодовербата на детето. Постојаното потсмевaње и исклучување од друштвото, може да доведе до чувство на безвредност и отуѓеност, што дополнително го поттикнува комплексот на инфериорност.
Влијанието на негативните зборови
Зборовите имаат огромна моќ кога доаѓаат од најблиските. Кога родителите им кажуваат на своите деца дека се безвредни или себични, тоа може многу да влијае на нивната самодоверба. Овие негативни зборови го обликуваат начинот на кој децата се перципираат себеси и своите способности. Дури и повремените забелешки, изречени во фрустрација, можат да остават трајно влијание на децата.
Негативно влијание на споредбите
Родителите можат несвесно да развијат чувство на инфериорност со постојано споредување на нивните деца со други. Без разлика дали се работи за академски достигнувања, спортски таленти или социјални вештини, овие споредби раѓаат чувства на несоодветност и неуспех. Децата може да се чувствуваат како никогаш да не бидат доволно добри во споредба со нивните врсници или браќа и сестри.
