Познати ви се оние денови кога сте под голем стрес, кога ништо не би оди од рака и единствено што би сакале е да одморите, да направите пауза од се барем на пет минути, да застанете, се да ресетрирате или едноставно да побегнете?
Во такви моменти вашето бебе задолжително е нервозно, или плаче, несака да заспие, а едвај ги држи очите отворени, постојано ве бара и одбива да се одвои од вас? Мислите дека не соработува? Грешите.
Бебето најдобро ја познава мајката. Вашето бебе ве познава подобро отколку што ве познава сопствената мајка, партнер или најдобрата пријателка. Во тоа “знаење“ и немерлива желба да ви биде блиско и еднакво, бебето се однесува токму онака како што вие се однесувате. Логиката, сместена во секој од нас, налага да – колку повеќе си сличен, повеќе си прифатен, подобро размислуваш и си поквалитетен дел од заедницата.
Значи, бебето размислува отприлика вака: “Хм, мама е нервозна, срцето силно и чука, мириса поинаку, малку се тресе. Јас сум мирно, тивко и опуштено. Морам да бидам слично на мама, за да и бидам поблиско, повеќе да и се допаднам. Тоа ми е важно. Сигурно и неа тоа и е важно“. И така продолжува тој маѓепсан круг.
Важно е да препознаете, велат стручњаците, каде кругот почнува, а изворот не е нервозата на вашето бебе. Изворот сте вие. Ако имате доволно сила и самодоверба за своите дневни обврски кои ви се комплетно нови, проблеми нема да има. Ако можете да ги препознаете моментите во кои сте немирни и да излезете од нив, ќе видите дека бебето ќе се смири. Затоа е важно прво да се смирите себе, да бидете сигурни во себе и да знаете дека тоа го можете.
Побарајте помош за себе! Секако, постојат моменти во кои навистина ви треба одмор и тешко ќе можете да се зилечете од лошото расположение. Во тој случај, дозволете си пауза. Нека вашите најблиски го причуваат бебето на половина час, за да прошетате, отспиете или да се истуширате со топла вода. Искористете ја својата пауза најдобро што можете и вратете се со наполнети батерии, како ништо да не се случило. И една важна работа: Своето бебе не можете да го лажете. Глумејќи дека сте мирни ништо не постигнувате. Ако прифатите дека немате поим што правите, но дека ќе се снајдете како и милион мајки пред вас и дека ќе успеете, ќе бидете навистина смирени, токму како и вашето бебе.
За предизвиците на мајчинството да не станат проблем за жената, потребно е да се создаде рамнотежа со добра потпора во цел на постигнување на квалитет на животот проследен со интензивни и предизвикувачки промени по доаѓањето на свет на бебето.
