Студија на Истражувачкиот центар од Австралија покажала дека жените кои родиле со царски рез, имаат за 50% поголеми шанси да имаат болни односи и 18 месеци по породувањето, во однос на жените кои имале спонатно вагинално породување.
Што предизвикува болни односи по царскиот рез и како да ги спречите?
Главно се препорачува воздржување од секс шест недели по породувањето. Овој период е потребен да се затвори цервиксот и да престане крварењето.
Дури и кога чекаат повеќе од шест недели, многу жени чувствуваат болка во текот на односите што може да биде многу фрустирачки. Болка може да биде во вид на пецкање, но и непријатен внатрешен притисок.
Еве некои од главните причинители:
- Ниско ниво на естроген
Хормонот естроген го прави ткивото на вагината меко и влажно. Доењето може да го намалои нивото на естроген, што доведува до ситуација во која жената во текот на сексот чувствува болка или има чувство на непријатност.
- Дисфункција на дното на кралицата
Во бременоста мускулите и ткивото од предната и задната страна на кралицата се шират, па може и да бидат и повредени. Ова може да доведе до укрутување на мускулите на дното на карлицата. Мускулите се грчат и стануваат напнати, што резултира со болен сексуален однос. Жената чувствува болка во вагината или на одредено место, како што е точката над цервиксот.
