Качувањето на лизгалката, во делот за спуштање, обично е табу тема, околу која мамките кршат копја. Златното правило на лизгалките е да се качувате по скалите и да се спуштате по лизгалката, па зошто некои мајки, вклучувајќи ме и мене, го кршат тоа правило? Јас дозволувам, дури и охрабрувам качување на лизгалката затоа што сфатив дека, и покрај лошата репутација, има многу предности за децата.
Секако, постои време и место за качување на лизгалката во делот за спуштање: се качуваме на лизгалката само на помалку фреквентни игралишта, кога нема други деца на лизгалката. Пред качувањето, направивме правило дека никогаш не смееме да ги вознемируваме другите деца во играта и дека прво мора да ги пуштиме децата што сакаат да се спуштат, а потоа можеме да се качуваме, само кога не вознемируваме никого.
Зошто треба да се дозволи искачување на лизгалката:
1. Одлична вежба
Качувањето на лизгалката воопшто не е лесно: мора да се држите за работ на лизгалката со рацете и да се качувате со нозете во исто време. Сето ова бара многу физичка сила, координација на телото и концентрација.
2. Ризично е
За време на нивното растење, децата мора да научат како да се справат со ризични ситуации. Качувањето на лизгалката е ризично, но исто така е и правилното спуштање надолу, исто како и секоја друга игра. Од нас зависи да бидеме во близина и да ја следиме ситуацијата.
3. Решавање на конфликти
Качувањето на лизгалката вклучува потенцијален конфликт кога едното дете сака да се спушти, а другото да се искачи, што е одлична можност за вежбање комуникација и решавање на конфликти.
4. Носење со неуспех
Качувањето обично завршува со неуспех, што е одлична можност децата да разберат дека не сè успева од првиот обид и дека некои работи бараат извонредна количина на напор. Без решителност и упорност, тешко е да се освои врвот на лизгалката.
5. Јакнење на тимскиот дух
Ако детето се искачува на лизгалка во друштво на други деца, тоа е одлична можност за тимска работа: децата наскоро ќе се координираат, ќе си помагаат едни на други и ќе си го покажат најлесниот начин да се искачат до врвот.
6. Јакнење на самодовербата
При искачувањето, децата стекнуваат доверба во сопствените способности и тело. Ако ги охрабриме, им покажуваме дека и ние веруваме во нив дека можат да го освојат врвот на лизгалката, па дури и Монт Еверест, ако вложат труд.
