Доколку бременоста е уредна, ако поминува без поголеми потешкотии и ако се чувствувате добро, умерената физичка активност ќе ви помогне да останете во форма и да се подготвите за породувањето и за претстојните обврски околу бебето. Вежбањето обезбедува дополнителна енергија, ги ублажува болките во грбот и го поправа расположението. Пред да одберете некоја физичка активност, посоветувајте се со својот гинеколог, бидејќи тој најдобро знае дали со вежбањето може да го загрозите вашето, и здравјето на бебето. Доколку се е во ред, вежбајте три пати неделно по 30 минути на ден, но не заборавајте да го следите своето чувство и да го избегнувате она што не ви годи.
ПРОШЕТКА
Дури и ако никогаш не сте биле љубител на вежбањето, лесна получасовна прошетка е добра за почеток. Нема да ги оптоварите колената и зглобовите, но затоа ќе го зајакнете срцето и целиот организам. Кога ќе влезете во последниот трисеместар бидете посебно внимателни, оти може да се случи поради големината на стомакот, да немате добар баланс. Важно е и да не се форсирате премногу и да пешачите со умерено темпо кое не предизвикува задишаност и голем скок на пулсот.
ЈОГА
Јогата ги опушта мускулите и е добра за нервниот сиситем, бидејќи вклучува и вежби за дишење. Овие вежби поттикнуваат циркулација, го јакнат телото, па ќе се чувствувате поподвижни и релаксирани. Овие вежби на дишење помагаат и при самото породување. Избегнувајте положби кои бараат силно истегнување, лежење на грб или вежби при кои е потребен исклучителен баланс и одржување рамнотежа.
ПЛИВАЊЕ
Ова е идеална физичка активност во бременоста. Важно е единствено внимателено да влегувате во базен и водата да биде топла и чиста, Не влегувајте нагло во вода, дури и во првите месеци од бременоста. За време на пливањето задолжително правете паузи, и задолжително по излегувањето од базен, истуширајте се. Избегнувајте парни бањи и сауна.
ТРЕНИНГ СО ТЕГЧИЊА
Користете лесни тегови за јакнење на мускулите. Избегнувајте тешки тегови, бидејќи подигањето поголем товар може да го оптовари абдоменот. За време на веѓбањето дишете рамномерно и правилно за да не го загрозите обезбедувањето кислород за бебето. Избегнувајте лежење на грб и правите чести паузи, особено ако се забрза дишењето или ако стане плитко дишењето.
КОГА НЕ СМЕЕТЕ ДА ВЕЖБАТЕ
- Доколку сте имале вагинално крварење од почетокот на бременоста или абдоминали болки
- Доколку имате проблеми со крвниот притисок, болки во градите и забрзана работа на срцето
- Доколку имате мачнини, главоболки или повраќате
- Доколку ве мачат болки во зглобовите
- Доколку бебето интензивно се движи во стомакот
