Кај децата постари од четири месеци, родителската прегратка има огромно значење. Студија која е објавена на 7.април во списанието iScience ги набљудувала отчукувањата на срцата кај деца помали од една година по дадената прегратка и утврдила разлика помеѓу гушкањето на родителите и непознато лице. Ова се некои од првите докази дека прегратката има важна улога во создавањето на рана врска помеѓу родителот и детето.
“Како и повеќето родители, сакаме да го гушкаме своето дете“, започнал авторот на студијата Сачин Јошида од Универзитетот Тохо во Токио. “Знаеме и дека децата ги обожаваат родителските прегратки. Сепак, изненадувачки е колку малку науката знае за прегратките“.
Заедно со својот колега, Јошидаја започнал својата студија набљудувајќи го одговорот на срцето на детето додека го држат, гушкаат и силно е во прегратките на родителот. Набљудувале и што се случува и кога непознато лице го гушка бебето.
“Кај бебиња постари од четири месеци се покажа продолжен интервал помеѓу отчукувањета на срцето за време на гушкање со родителот во однос на прегратката од непознато женско лице. Истото се покажа и кај родителот за време на гушкањето, од што е јасно дека прегратката ја смирува и едната и другата страна. Со самото тоа и кај родителите и кај децата доаѓа до забавување на работата на срцето “, објаснува тој.
Децата помлади од четири месеци не покажале никаква промена на работата на срцето, но сепак дошло до забавување на работата на срцето кога родителот ќе ја ставел раката на нивниот грб додека ги држат во раце. Тие се уште не можат да разликуваат дали родителот ги држи или ги гушка.
