Кај децата постари од четири месеци, родителската прегратка има огромно значење. Студија која ги набљудувала отчукувањата на срцата кај деца помали од една година по гушкање, утврдила разлика помеѓу прегратката на родителите и непознато лице. Ова се некои од првите докази дека прегратката има важна улога во создавањето на рана врска помеѓу родителот и детето.
“Како и повеќето родители, сакаме да го гушкаме своето дете“, вели авторот на истражувањето Сачин Јошида од Универзитетот Тохо во Токио. “Знаеме и дека децата ги обожаваат родителските прегратки. Сепак, изненадува колку малку науката знае за прегратките“.
Заедно со својот колега, Јошидаја започнал својата студија во која го набљудувал го одговорот на срцето на детето додека го држат, гушкаат и силно е во прегратките на родителот. Тие следеле и што се случува и кога непознато лице го гушка бебето.
“Кај бебиња постари од четири месеци се покажа продолжен интервал помеѓу отчукувањета на срцето за време на гушкањето со родителот во однос на прегратката од непознато женско лице. Истото се покажа и кај родителот за време на гушкањето, од што е јасно дека прегратката ја смирува и едната и другата страна. Со самото тоа и кај родителите и кај децата доаѓа до забавување на работата на срцето “, објаснува тој.
Децата помлади од четири месеци не покажале никаква промена на работата на срцето, но сепак дошло до забавување на работата на срцето кога родителот ќе ја ставел раката на нивниот грб додека ги држат во раце. Тие се уште не можат да разликуваат дали родителот ги држи или ги гушка.
“Вашето бебе сака да биде гушнато и сака кога е во вашата прегратка. Иако не зборуваат, бебињата ги препознаваат родителите преку родителското однесување, како прегратката. Макар и од четвртиот месец “, додава научникот
