Кога сте тазе родител, може да биде многу збунувачки да се одреди кога вашето бебе се однесува нормално, а кога нешто не е во ред.
Секое едно шмркање, звук или кивнување може да ве натера да се запрашате дали нешто не е во ред со вашето бебе. Дали му е ладно? Дали има настинка? Дали некој со настинка кивнал врз бебето и затоа сега и тоа кива? Постои ли нешто што се нарекува „прекумерно кивање“?
Драги родители на новороденче што кива, не грижете се – ќе го разјасниме ова.
Бебињата го користат кивањето како природен одбранбен механизам против милијардите микроби со кои се среќаваат при првиот контакт со светот. Замислете само колку мора да работи нивниот имунолошки систем додека ги запознава сите околу него… Тоа се многу микроби за многу кратко време. Кивањето е само еден начин на кој новороденчињата се обидуваат да се заштитат во нашиот свет полн со бактерии
Што го предизвикува кивањето?
Постојат неколку причини зошто може вашето новороденче често да кива.
Прво, треба да знаете дека кивањето е здрава работа кај новороденчињата. Тоа значи дека нивниот нервен систем функционира правилно, бидејќи кивањето е рефлекс контролиран од нервниот систем.
Клиниката Кливленд ги уверува сите загрижени родители дека е сосема нормално новороденчињата да киваат, да враќаат храна, да зеваат, да икаат и да подждригнуваат.
Кивањето кај доенчињата е рефлекс, исто како и кај возрасните. Тој се активира кога се иритираат носните патишта.
За разлика од други рефлекси, како што е рефлексот на преплашување (Моро рефлекс), рефлексот на кивање останува и понатаму додека детето расте и се задржува и во зрелата возраст. Секој човек понекогаш има потреба да кивне.
Главно, новороденчињата киваат доста затоа што мораат. Тие имаат помали носни патишта од возрасните и полесно им се затнуваат, па затоа почесто мораат да ги прочистуваат. Киваат за да се ослободат од сè – од мајчино млеко, до слуз, чад или дури и прашина во воздухот. Може да му помогнете на вашето бебе така што никогаш нема да пушите во негова близина.
Новороденчињата, исто така, дишат преку уста како дел од нивниот развој. Ова понекогаш може да придонесе за кивање, бидејќи сè уште се прилагодуваат на дишење преку носот.
Кивањето не е секогаш само нормален знак на здраво новороденче. Секако, и новороденчињата можат да се разболат. Честото кивање кај новороденче може да биде еден од знаците за респираторна инфекција
Повеќе од обично кивнување
Сепак, кај новороденчињата кивањето може да значи и нешто повеќе од обичен рефлекс. Доколку вашето бебе многу кива, тоа не значи секогаш дека се разболело.
Бебињата го користат кивањето како природен одбранбен механизам против милијардите микроби со кои се среќаваат при првиот контакт со светот. Замислете само колку мора да работи нивниот имунолошки систем додека ги запознава сите околу него… Тоа се многу микроби за многу кратко време. Па кивањето е само еден начин на кој новороденчињата се обидуваат да се заштитат во нашиот свет полн со бактерии.
Кивањето ги исфрла микробите и честичките кои се обидуваат да навлезат преку носот и да го разболат вашето бебе, пред тие да стигнат внатре во организмот.
Кивање како знак на болест
Кивањето не е секогаш само нормален знак на здраво новороденче. Секако, и новороденчињата можат да се разболат. Честото кивање кај новороденче може да биде еден од знаците за респираторна инфекција.
Веднаш обратете се кај лекар ако вашето бебе често кива и има некој од следниве дополнителни симптоми:
- кашлица,
- потешкотии со дишењето,
- одбивање храна,
- претерана поспаноcт,
- температура 38°C или повисока.
Кивањето ги исфрла микробите и честичките кои се обидуваат да навлезат преку носот и да го разболат вашето бебе, пред тие да стигнат внатре во организмот
Во некои случаи, претераното кивање кај новороденчиња може да биде еден од знаците на состојба наречена неонатален апстинентен синдром (NAS). Ова се случува кога мајката користела опијати за време на бременоста.
Симптомите на NAS, покрај кивањето, може да вклучуваат затнат нос, слаб рефлекс на цицање, тремор и потешкотии при доење.
Ако бебето има NAS, тогаш практично искусува симптоми на апстиненција од дрогата или дрогите кои мајката ги користела за време на бременоста. Најчесто злоупотребувани супстанции се алкохол, хероин и метадон. Еден од знаците на апстиненција од хероин, на пример, е претераното кивање. Лекарите понекогаш користат систем за оценување на симптоми за да утврдат дали бебето има NAS. Еден од симптомите што се следи е ако бебето кивне три до четири пати во рок од 30 минути.
Заклучок
Кивањето кај новороденчињата е нормално. Дури и ако ви изгледа претерано, тоа најверојатно е нормално, бидејќи бебињата имаат тенденција да киваат повеќе од возрасните.
Сепак, ако вашето бебе покажува и други симптоми како течење од нос или треска, можно е да е настинато или да има некаква инфекција. Разговарајте со лекарот ако мислите дека вашето бебе е болно.
