Децата обично можат да го разберат значењето на благодарностадури понеѓу четвртата и шестата година. Акотоа не го увидат, постојат причини зошто децата може да продолжат да бараат повеќе, да не се заблагодаруваат, да не го гледаат доброто или да бидат неблагодарни кога ќе им се даде нешто убаво или ќе се направи нешто за нив. А ова се најчестите причини…
1. СТАВ „ЈАС ТОА ГО ЗАСЛУЖУВАМ“
„Развојот на овој став обично започнува со прекумерна родителска грижа – претерано угодување, презаштитување, претерано фалење на детето и исполнување на неговите бескрајни барања“, вели експертот Ејми Меккриди. Сакаме нашите деца да бидат среќни, па зпочнуваме да ја отстрануваме секоја пречка што ќе им се најде на патот или да „лебдиме“ над нив за да се увериме дека никогаш нема да згрешат.
2. ЖИВОТ ПОД СТАКЛЕНО ЅВОНО
Уште една причина зошто децата можат да бидат неблагодарни е тоа што немаат вистинско животно искуство. Кога се мали, одлично е да ги поттикнете да донираат играчки или ранци на други на кои им е потребно. Меѓутоа, ако не видат што навистина значи да се нема и како живеат овие други луѓе, нема целосно да ја усвојат лекцијата.
3. ЗАСЛУЖЕНО ИЛИ НЕ?
Студија спроведена на Универзитетот Јеил открила дека децата на возраст од 4 до 8 години имаат помала веројатност да почувствуваат благодарност за нешто ако мислат дека ја заслужуваат таа награда или дека таа сама по себе се очекувала. Децата во таа ситуација исто така немале желба да споделуваат со другите. Од друга страна, кога децата добивале награда од чиста дарежливост од страна на давателот, постоел поголем емоционален ефект. Ова подлабоко чувство на благодарност ги поттикнало децата да бидат мотивирани да им даваат повеќе на другите.
4. ПОТРЕБА ОД АВТОНОМИЈА
Вашите деца можеби изгледаат неблагодарни не затоа што навистина се, туку затоа што имаат потреба од автономија. Ова е особено видливо кај тинејџерите.
