Стручњаците кои го следат развојот и напредокот на децата истакнуваат дека периодот на ползење е од голема важност за здрав и правилен развој на моториката кај детето.
Ползењето, за почеток претставува еден вид на вежба. Имено, детето на овој начин ги јакне мускулите на телото, особено на рацете. Најлесен начин за постепен развој е низ положбата на стомакот. Детето за ползење се подготвува така што се легнува на стомак, додека е будно и тоа во првите денови по раѓањето. Кога бебето ќе си ја најде соодветната положба на стомакот, ќе се обиде да си ја подигне главата и да се потпре на рацете, потоа се подигнува на колена. Ќе се потруди да воспостави рамнотежа. Така ќе научи и што е да се падне.
Доколку бебето не сте го оставиле во оваа положба во првите месеци од животот, тоа веројатно нема да сака да ползи. Многу родители се одлучуваат да се откажат, штом бебето ќе почне да се буни, меѓутоа, мора да бидете трпеливи и да истраете доколку сакате вашето бебе да ја совлада оваа техника.
За да се најде во оваа положба, бебето мора да научи да се исправи во потстомачна положба. Исто така, мора да го совлада потпирањето на испружени раце, без паѓање, како и да се движи.
Поминувајте го времето на под, окружени со играчки за да го стимулирате бебето на ползење. Истрајте во намерата и во вежбите.
Ползењето не претставува предуслов за одење, но е одличен тренинг за мускулите на целото тело. Кога детето ќе научи да се движи по рамно, ќе ги совлада и другите препреки, па ќе научи како да ползи и по скали. Од голема важност за детето е да го запознае просторот во кој престојува, и на тој начин ги подобрува своите моторички способности и стекнува физичка независност. Развиените мускули на торзото, благодарение на ползењето, му овозможува на детето полесно да одржува исправена положба.
