Од многуте овошја, кои ги дарува летото, праските се едни од најчесто просутните во домовите, а кашичките од праска и нектарини родителите ги воведуваат во бебешката исхрана, оти се со задоволствп прифатени од најмалите. Поради неодоливата арома и одличен вкус, праските ги сакаат сите генерации.
Праските се нискоенергетска намирница (100гр содржи 40 калории), но затоа изобилуваат со витамини и минерали и антиоксиданти. Од минерали најмногу содржи калиум, магнезиум, селен и фосфор. Богати се со витамин Ц и беа каротен.
Од наведените елементи, силни антиоксидантни својства имаат витаминот Ц, бета каротенот и селенот, но кога се зборува за праските никако не смее да се заборават фенолите. Фенолите се соединенија присутни во храната од растително потекло, со силно изразена антиоксидантна активност , кои ги штити клетките од разни оштетувања предизвикани од слободните радикали, и на тој начин спречуваат развој на болести на кардиоваскуларниот, дигестивниот и имун систем.
