Бебињата од бела раса најчесто се раѓаат со сини или со сиви очи, а бебињата од останатите раси речиси секогаш при раѓањето имаат темни очи.
Важен фактор кој ја одредува бојата на очите е меланинот – пигмент кој ја одредува бојата на нашата кожа, коса и очи и кој реагира на сончевата светлина. Поради него, кожата потемнува, а може да влијае и на промената на бојата на очите кај бебето.
Лицата кои не произведуваат многу од овој пигмент имаат сини или сиви очи, додека оние кои го произведуваат нешто повеќе имаат зелени очи, додека оние кои го произведуваат најмногу имаат кафеави очи.
По раѓањето, бебето, без оглед на генетиката произведува малку меланин, па затоа повеќето деца имаат сино-сиви очи. Како бебето станува се позиложено на светлина, расте и производството на меланин, па бојата на очите ќе почне да се менува и тоа обично престанува некаде по шестиот месец од животот. Бојата на очите може, иако поретко, да се менува и подоцна, до третата година, но тие промени се многу помалку и секогаш од светла боја одат кон потемна, што значи дека кафеавите очи нема да станат сини.
Кај мал број луѓе, бојата на очите продолжува да се менува и кога тие ќе станат возрасни.
