Истражување открило дека децата од предучилишна возраст кои рано си легнуваат да спијат, имаат многу помал ризик за дебелина во тинеџерските години. Со други зборови, добра и доследна рутина на спиење може да игра клучен фактор во спречувањето на прекумерна телесна тежина подоцна во детството.
“Други истражувања покажале предност од раното одење во кревет на однесување на децата, когнитивниот развој и концентрација, Редовната рутина за спиење, вклучувајќи го раното спиење, исто така е поврзана со помалку проблеми со спиењето, како ноќни будења или потешкотии со спиењето“, вели авторот на истражувањето Сара Андресон.
Според неа, во прашање не е нужно точно одредено време во кое детето си легнува да спие, туку квантитетот и квалитетот на сон кој има трајни последици на многу аспекти на однесувањето. Изненадувачки, се од способноста за управување со емоциите, психички здравствени проблеми, хормони до метаболизам може да биде под влијание на недостаток на сон.
Оваа година, Амерканската академија за медицина на спиењето, објави препораки за спиење на децата според возраста, вклучувајќи го и попладневниот сон:
- Бебе од 4 до 12 месеци: 12 до 16 часа сон
- Деца од 1 до 2 години: 11 до 14 часа сон
- Деца од 3 до 5 години: 10 до 13 часа сон
- Деца од 6 до 12 години: 9 до 12 часа сон
- Тинејџери од 13 до 18 години: 8 до 10 часа сон
