Во секое семејство е сосема нормално да се појават несогласувања и расправии. Сепак, дали некогаш сте се запрашале зошто со едно од своите деца најчесто се карате?
Според студиите, она што најмногу ве мачи во однесувањето кај другите лица е она што вас ве мачи кај самите себе. Затоа родителите често не ги прифаќаат ставовите на своите деца или се обидуваат да ги поправат, бидејќи го гледаат сопствениот одраз во нив, што може да доведе до жестоки расправии.
Еве што вели психологот Марта Сагрелс за тоа зошто родителите понекогаш имаат посложен однос со некое од своите деца.
Според неа, децата многу ставови наследуваат токму од родителите. Од детството набљудуваат како родителите се однесуваат во различни ситуации. Особено за време на адолесценцијата, кога почнува да се воспоставува карактерот кај секое од нив. Тогаш децата почнуваат да го усвојуваат однесувањето на своите родители, од начинот на кој зборуваат до начинот на кој реагираат. Дури и расположението на мајката и на таткото може да влијае на емоционалниот развој на нивните деца.
Нормално е луѓето да не се задоволни со некои свои одлуки или однесувања во минатото и би сакале да ги променат. Значи, кога ќе станете родител и гледате дека вашето дете ги прави истите грешки како и вие, автоматски сакате да ги исправите за да не дојде до тоа да и тие се чувствуваат исто кога ќе дојдат на ваши години.
Како да ги решите таквите несогласувања?
Психологот Сагрелс вели дека родителот би требало да ги препознава своите внатрешни конфликти и да ги реши, па дури потоа да се обиде да го поправи однесувањето на своето дете. Сепак, дури и ако успеете да го оставите минатато зад вас, мора да прифатите дека децаат не “припаѓаат“ на мама или тато. Тие мора да носат сопствени одлуки и да направат сопствени грешки.
Обидете се да не се лутите ако децата не ги прифаќаат вашите совети и избегнувате гласни расправии и изговарање на зборови кои би можеле некого да повредат.
Важно е и да ги контролирате своите емоции. Колку сте посмирени, толку повеќе мир ќе пренесете и на друго лице. Ако сте вознемирени, вашето дете ќе го усвои таквото ваше однесување.
