Омикрон варијантата на SARS-CoV-2 го промени начинот на кој комплетно вакцинираната популација во светот реагира на коронавирусот. Од нејзиното откритие, има истражување кое сугерира дека омикрон може да ги избегне вакцините против Ковид-19 и повторно да ги инфицира луѓето.
Невакцинираните не треба да ја сфаќаат несериозно омикрон варијантата само затоа што таа предизвикува благи симптоми на Ковид-19
Освен тоа, познато е дека варијантата омикрон заразува двојно повеќе вакцинирани луѓе. Бустер дозите на вакцината против Ковид-19 им помогнаа на вакцинираните луѓе да се борат против вирусот.
Значи тогаш варијантата омикрон предизвикува целосно вакцинирани луѓе да се разболат од вирусот и да искусат симптоми? Д-р Џефри Јахре, експерт за заразни болести од „St. Luke’s University Health Network“ во Пенсилванија, објаснува за WNEP-TV дека вакцината не нуди совршена заштита.
„Она што беше главната цел на вакцината против Ковид-19, е истиот начин на кој ние гледаме на вакцината против грип, а тоа е да не држи подалеку од најсериозните последици од добивањето на болеста. Она за што зборуваме е хоспитализација и очигледно многу тешка хоспитализација на одделот за интензивна нега, а исто така, и смрт. Во таа ситуација, вакцината против Ковид-19 е многу добра во извршувањето на својата работа“, рече тој.
Д-р Јахре вели дека невакцинираните не треба да ја сфаќаат несериозно омикрон варијантата само затоа што таа предизвикува благи симптоми на Ковид-19. Сите луѓе треба да се обидат да се вакцинираат.
„Не го занемарувајте ова, не го оставајте настрана и не мислете дека навистина не е ништо“, изјави тој. „Тоа може да биде и е особено важно за луѓето кои се ранливи. Има нешто што можете да направите во врска со тоа, а тоа е да се вакцинирате и сериозно да размислите за бустер доза“, порачува докторот, а пренесува „Дезерт њуз“.
