Родителите често не разбираат зошто нивните деца се неразумно тврдоглави, непослушни и бунтовни и мислат дека проблемот е во начинот на кој ги воспитуваат. Тешко е да се разберат причините за оспорување на родителскиот авторитет, но место за загриженост всушност нема. Според едно истражување, децата кои се многу тврдоглави и бунтовни, односно кои помалку ги слушаат возрасните, имаат поголеми шанси во иднина да станат успешни луѓе. Истражувањето го следело развојот на 3.000 деца на возраст од осум до 12 години, и тоа во период од 1968 година до денес.
Откако по поминатите години следење на нивниот коефициент на интелегенција, семејната состојба, дневните активности и училишните оценки, како и нивните ставови и однесување, научниците ги сумирале резултатите, дошле до сознание дека тврдоглавите и бунтовни деца подобро се снашле во денешниот свет од децата кои биле примерни и послушни.
Тие утврдиле дека бунтовништвото им давало на децата одредена креативна предност кога се во прашање нови идеи или покренување на нова работа.
