Исхраната има големо влијание врз општата здравствена состојба и кај возрасните и кај децата. Кога станува збор за децата, влијанието е можеби уште поголемо со оглед на тоа што станува збор за организам кој расте и се развива, а она што многумина не го знаат е дека одредена храна може да има добар ефект врз развојот на мозокот и помнењето.
- Јаткасти плодови и семиња
Јаткастите плодови како што се бадемите, оревите, како и семките како што се семето од чиа или ленено семе, се полни со витамин Е, кој има добар ефект врз мозочните клетки и ги подобрува когнитивните функции.
- Бобинки
Овие овошја се полни со антиоксиданти, витамин Ц и растителни влакна, а поради сето ова имаат добар ефект врз мозочните функции, ја подобруваат меморијата и го намалуваат стресот.
- Масна риба
Рибата е одличен извор на омега-3 масни киселини, кои се важни за растот и развојот на мозокот, ја подобруваат меморијата и генерално имаат добар ефект врз когнитивните функции.
- Авокадо
Здравите мононезаситени масти во авокадото го поддржуваат општото здравје и функцијата на мозокот.
- Мешунки
Леќата, наутот и другите мешунки се одличен извор на протеини од растително потекло, содржат влакна и сложени јаглехидрати кои ги подобруваат функциите на мозокот и обезбедуваат енергија.
- Интегрални зрна
Овесот, кафеавиот ориз и лебот од цело зрно обезбедуваат постојано снабдување со гликоза во мозокот, овозможувајќи подобра концентрација и стабилни нивоа на енергија во текот на денот.
- Цитрусно овошје
Ова овошје е полно со витамин Ц, кој го поддржува развојот на мозокот и го зајакнува имуниот систем. Цитрусните овошја влијаат на производството на невротрансмитери како што е серотонин, што е важно за регулирање на расположението, фокусот и меморијата.
- Темно чоколадо
Не само што децата можат да уживаат во овој десерт, туку тој ги подобрува и когнитивните функции и расположението. Советот е да се јаде умерено, повремено и по целосен оброк.
- Брокула
Содржи многу витамини, антиоксиданти и холин, кои го поддржуваат здравјето на мозокот и помагаат во когнитивниот развој.
- Јајца
Оваа храна е исто така одличен извор на холин, содржи протеини и здрави масти и има значително влијание врз меморијата и регулирањето на расположението.
