Мајката Кејт, некогаш била воспитувачка во градинка, а денес има неуредна кујна, неискосен двор и четири деца. Таа вели дека разговарала со нејзина пријателка чие прво дете наскоро ќе наполни една година. Пријателката и се жалела дека е исцрпена и се прашувала зошто некој е толку луд да има уште деца.
Кејт низ смеење и одговорила дека никогаш немала само едно дете, па не знае за што зборува, но дека станува полесно или едноставно ти стануваш подобар во мајчинството по првиот пат. Таа сфатила дека тоа е нејзина ‘работа’ веќе 12 години и дека сега всушност знае некои трикови кои и ги олеснуваат работите.
Ви ги донесуваме нејзините 10 совети за кои вели дека би сакала да ги знаела додека децата и биле многу мали:
- Книгите за родителство ги немаат сите одговори, како ни ‘стручњаците’ околу тебе. Ти најдобро го познаваш своето дете.
- Камењата и дрцвата не се добредојдени во машината за перење. Секогаш пред перење проверете ги џебовите!
- И тоа секако ќе помине… навистина ќе помине.
- Најдобар начин да го заштитите креветот од урина и повраќање – пешкир, вреќа за ѓубре, пешкир, вреќа за ѓубре, слој под слој под слој.
- Момчињата може да уринираат на секакви места. Девојчињата може да ги измочкаат своите нозе, се до стапалата, додека не го совладаат совршениот агол.
- Спиење цела ноќ, први чекори, одење, седнување на нокшир се големи замки за споредување со други деца, ако сте родители по прв пат. Не правете го тоа.
- Совладувањето на уметноста на насмевнување и нејасно климање со главата е клучно – за добронамерни совети, глупави коментари, натпреварувачки настроени родители, но и во ситуации кога едноставно сте толку уморни да не можете да се концентрирате на слушање на другите.
- Има време… не се залажувајте со мислата дека мора да брзате низ деновите, всушност нема ниту смисол бидејќи веќе никогаш никаде нема да дојдеш на време.
- Ако ти и твоето дете (деца) сте биле чисти кога сте излегле од дома, сметај го тоа за победа. Никој нема да ја забележи таа дамка од бљуцкањето на бебето ако носиш светла маица.
- Ќе бидеш уморна. Поуморна отколку што си можела да замислиш дека е можно, а сепак се колку толку добро ќе го извршуваш. Да, тоа е неверојатно.
Кејт вели дека некои работи мора да ги проживееме сами и ќе научиме од нив, а родителството е една од нив.
