Додека се трудиме да ги воспитуваме децата на најдобар можен начин, им објаснуваме што и како треба да прават, забораваме дека тие всушност најмногу учат гледајќи не. Честопати не сме ни свесни дека сè што кажуваме, правиме, начинот на кој се однесуваме со другите, има огромно влијание врз децата бидејќи низ тоа им ги пренесуваме нашите животни вредности.
Затоа е важно родителите да бидат многу свесни за своето однесување и за тоа што прават. Можеби животните лекции што најуспешните деца ги учат од своите родители ќе ви помогнат да освестите дали треба нешто да промените.
1. Работна етика
Самото дете ќе има ист однос кон своите обврски како и неговите родители кон нивната работа и секојдневните обврски што ги извршуваат.
2. Грижа за другите
Ако семејството ви е многу важно, вашето дете дефинитивно ќе го почувствува тоа. Тоа е и начинот на кој му ја пренесувате пораката за тоа што е навистина важно во животот.
3. Почит кон сите
Преку вашето однесување кон членовите на семејството, пријателите и воопшто кон сите луѓе, детето учи како треба да се однесува. Соодветно на тоа, ако се однесувате кон сите со почит, таа порака нема да ја пропушти ниту вашето малечко.
4. Искреност
Ако сакате вашето дете да зборува вистина, најдобро е секогаш сами да се држите до неа. Размислете добро дали мислите дека има ситуации во кои е подобро да лажете или сте за тоа секогаш да ја кажувате вистината и да постапувате соодветно, бидејќи е многу важно да му го всадите на вашето дете, она во што верувате.
5. Одговорност
Важно е детето да научи да презема одговорност за своите постапки, но и да се држи до обврските што ги презема.
6. Традиција
Некои семејства имаат традиции кои се пренесуваат низ генерациите. Ако ви е важно ова да им го пренесете на вашите деца, сè што треба да направите е сами да го почитувате и одвреме-навреме да му го објасните на детето нивното значење.
7. Дарежливост
Во зависност од тоа како реагирате на потребите на другите, дали ќе им помогнете на блиските луѓе кога е потребно, вашето дете несвесно ќе развие став за тоа.
8. Љубопитност
Велат дека човек учи додека е жив. Развивањето љубопитност кај детето ќе му помогне во сите аспекти од животот, но имајте на ум дека и тоа зависи и од вашето однесување.
9. Простување
Не постои човек кој не бил повреден во одреден момент од животот. Секој родител, секако, сака да го научи детето како да се заштити од тоа, како да поставува граници, да препознава предупредувачки знаци за некои опасни ситуации, што е сосема нормално. Но, понекогаш некој ненамерно нè повредува и во зависност од вашата реакција на тоа, и вашето малечко ќе научи дали да им простува или не на другите.
10. Ефикасна комуникација
Ефикасната комуникација е важна за речиси секој аспект од животот. Обрнете внимание на начинот на кој ги изразувате вашите потреби, како се изразувате, со какви зборови одговарате на туѓите потреби, туѓите чувства… Сето ова во голема мера го обликува начинот на кој вашето дете ќе комуницира.
