Велат дека мајките и синовите имаат посебна врска. Искористете го тоа за да го насочите детето на вистинскиот пат и да го пораснете во личност со која ќе се гордеете. Како да направите тоа? Вики Литл, писател и мајка на две деца, на својот блог открива важни лекции кои можете да му ги пренесете уште сега.
Кон жените се однесува со почит
Создавањето на оваа навика ќе му помогне на вашето прекрасно момче да прерасне во вистински џентлмен кој се надеваме дека ќе ја задржи таа навика дури и откако ќе заврши медениот месец.
Расчистува зад себе
Започнете рано и направете услуга на вашата идна снаа. Направете навика на вашиот син да ги собира работите по себе.
Не дозволува девојка да застане меѓу вас и најдобриот пријател
Девојките ќе доаѓаат и ќе си одат, но пријателот секогаш ќе биде тука за вас. Покажете му на вашиот син дека пријателите се посебни како семејството. Така и треба да се третираат.
Ако некој се обиде да го промени, не го заслужува неговото време
Без разлика дали станува збор за девојка, пријател, цимер или кој било друг – ако некому не му се допаѓате такви какви што сте, никогаш нема да му се допаднете. И ако се обидете да се промените, нема да бидете среќни затоа што не сте верни на себе.
Во ред е понекогаш да се покаже слабост
Ако рано научат дека е во ред да се потклекне одвреме навреме, тоа ќе им помогне да избегнат да се затворат во себе подоцна.
НЕ значи НЕ
Без разлика кој е, ако некој каже „не“, тоа значи не. Ако некој каже „не“, тој одговор треба да се почитува, а не да се форсира.
Да се откажеш од нешто лошо не значи да се биде кукавица
Тоа е она што значи да се биде маж. Најлесно е да ги следите другите, а многупати ќе бидете искушувани. Ако вашите пријатели не можат да го разберат тоа, тие на прво место не се вистински пријатели.
Не зборува за тоа кого бакнал
Фалењето е недолично!
Ако направите грешка, признајте ја
Ова е една од најголемите лекции што секој треба да ги научи. Ако направите грешка, признајте и извинете се. Не ја префрлајте вината, не обидувајте се да ја скриете, само признајте ја. Научете од грешката и продолжете понатаму.
Семејството е на прво место – секогаш
Тоа треба да го покажеме со сопствен пример. Кога ќе остариме, ќе сакаме да поминуваме повеќе време со нашите сакани кои се со нас цел живот.
