Клучен аспект на позитивното воспитување е поврзувањето со децата, што може да се постигне преку допир, смеење, слушање, споделување време и искуства и заедничко играње. Истражување покажало дека ако детето има стабилен однос со барем еден родител, ќе ужива во плодовите од тоа подоцна во животот.
- Седнете на подот со децата и играјте што и да сакаат тие да си играат, најмалку 10 минути секој ден. Следете го нивното водство.
- Започнете го денот позитивно. Прегрнете ги вашите деца и кажете им колку ги сакате секое утро.
- Дозволете им на децата 10 минути пред спиење да можат да ви кажат што им се случило тој ден, кои работи биле позитивни, а кои негативни.
- Бидете заиграни со децата барем еднаш во текот на денот.
- Забележете најмалку три ситуации во текот на денот кога вашите деца биле добри. Т.н. „магичен сооднос“ е пет позитивни и една негативна интеракција дневно и ќе ви помогне да имате подобар однос со децата.
- Слушајте музика со вашето дете, пејте му или тоа нека ви пее.
- Излезете од дома со вашето дете барем еднаш дневно по 10 минути.
- Секогаш сите заедно седнете на вечера и водете пријателски разговори.
- Читајте им најмалку еднаш дневно на децата. Дозволете им да ви седнат во скут или да се стиснат на страната до вас.
- Дајте му на детето улога или задача во која на некој начин ќе придонесе во домаќинството. Оставете ги да спарат чорапи, да делат чинии, да ја избришат масата…
