Ниту една мајка не избира да стане токсична по своја волја, но некои стануваат такви поради околностите. Нејзиното однесување може да има огромно влијание врз детето, а како што истакна психологот Олесја Лупак, улогата на мајката е особено важна во првите три години од животот на детето.
Во продолжение прочитајте и кои 10 видови токсични мајки постојат и по што се разликуваат.
1. Инфантилна мајка
Оваа мајка е многу слична на дете, нејзините погледи на светот се прилично едноставни и детски. Детето со таква мајка нема можност премногу да ужива во детството, туку мора брзо да порасне и да преземе одговорност за себе, а кога ќе порасне – за својата мајка.
Инфантилната мајка често не е во состојба да го поддржи своето дете во случај на проблем, па детето мора многу рано да се осамостои, поради што често се развиваат анксиозност и проблеми со комуникацијата.
2. Мајка која е премногу заштитнички настроена
Иако вака се однесува од љубов, оваа мајка всушност ја ограничува независноста на детето со својата силна љубов и желба да го заштити од се. Таа е анксиозна, се плаши од се, а децата лесно ги препознаваат и ги усвојуваат мајчините чувства, па и самите стануваат вознемирени и повлечени.
Децата на таквите мајки често имаат потешкотии со адаптацијата во градинка и училиште, поради сомневање во себе и стравови кои ги имаат.
3. Мајка која одбива дете
Таа не е многу вклучена во животот на своето дете, бидејќи нејзиниот наследник не е баш таков каков што замислувала. Оваа токсична мајка ги отфрла сите желби на детето, ги обезвреднува сите негови иницијативи, правејќи го да се чувствува безвредно, непожелно.
Децата на таквите мајки може да имаат потешкотии во воспоставувањето односи со своите врсници, како и со некои форми на зависност.
4. Мајка перфекционист
Со неа сè мора да биде совршено, вклучително и децата – треба да ги имаат сите петки на училиште, облеката секогаш да им е совршено чиста, сè во собата мора да биде „под конец“, мора да јадат добро… Овие деца едноставно немаат право на грешки, а мајката секогаш сака на некој начин да ги „поправи“. Резултатот од таквото токсично однесување и односот на мајката се деца кои често се или премногу агресивни или крајно напнати.
5. Анксиозна мајка
Анксиозноста е присутна кај многу луѓе денес, а анксиозните мајки се оние кои секогаш однапред се грижат за сè и гледаат проблеми во сè. Поради своите стравови и грижи се трудат да ги заштитат децата од се, па не им дозволуваат речиси ништо, поради што тие почнуваат да се однесуваат со недоверба кон се и секого. Тоа што растат така може да им отежне да воспостават односи со своите врсници и да се дружат.
6. Пожртвувана мајка
Убаво е што мајките сакаат да прават речиси сè за своите деца, но не е многу добро кога детето и е потребно на жената за да го задржи сопствениот идентитет. И покрај тоа што ваквата мајка се труди да ги задоволи сите основни, физички потреби на детето, таа најчесто ги игнорира неговите емоционални потреби, бидејќи не може да се грижи за сопствените потреби, а со тоа не може да му пружи топлина и поддршка на својот наследник.
Понекогаш таквите мајки ја преземаат улогата на жртва и несвесно го пренесуваат чувството на вина на детето. Децата кои растат со такви мајки често ќе бидат независни, но вознемирени и со потиснати емоции.
7. Емоционално ладна мајка
Оваа мајка е многу строга кога е во прашање учењето и често го казнува детето така пто го игнорира. На децата кои растат со такви мајки често им недостига мајчинската наклонетост, поради што се обидуваат на некој начин да го привлечат нејзиното внимание. Ова може да доведе до тоа да, ако емоционално студената мајка го кара детето за нешто, тоа почнува да го прави често само за да го привлече нејзиното внимание. Кога детето ќе порасне, таквото однесување може да стане посериозно – на пример, почнува да краде или покажува други видови на лошо однесување за да го привлече вниманието на мајка си.
8. Мајка порцеланска кукла
Овој тип на мајки не знае да постави граници и се носи со некои тешки ситуации, но нејзиното однесување често во такви околности преминува во хистерија. Соодветно на тоа, доколку детето изрази некои од неговите силни чувства, како што е бес, лутина овие мајки му попуштаат бидејќи не знаат како да се справат со неговите емоции.
Како резултат на тоа, децата можат да станат емоционално нестабилни, но и претерано агресивни.
9. Доминантна мајка
Таа секогаш одлучува за сè за своето дете, не му дозволува да го искаже сопственото мислење, не го поттикнува да биде самостојно и ги нарушува неговите граници, создавајќи кај него чувство на вина. Децата на таквите родители честопати доживуваат потешкотии во зрелоста, бидејќи не можат да кажат „не“ и се плашат да донесат свои одлуки. Исто така, често се жртви на малтретирање, бидејќи се воздржани и не знаат како да застанат во одбрана и да се соочат со проблеми.
10. Мајка шефица
Таа сетруди во секоја прилика да му покаже на детето дека тоа не е главно, туку секогаш му го наметнува своето мислење. Секој обид на детето да ја покаже својата индивидуалност го доживува како еден вид бунт, а децата на таквите мајки често се чувствуваат како да се полоши од другите. Добива впечаток дека не е способно самостојно да донесува одлуки, и е научено е да им угодува на сите и да ги следи другите.
