Ние како родители, со одреден број години искуство зад нас, знаеме колку е важна самодовербата во животот. Во денешниот свет, таа значи многу. Вистина, некои на кои не им треба ја имаат премногу, но токму затоа сакаме нашите деца полесно да се изборат за своето место во светот и да знаат дека вредат.
Како родители, исто така, најчесто тоа го правиме со пофалби или комплименти. И тоа може да биде многу добар начин, особено ако пофалбите се обликувани на правилен начин – на пример, да не се споменува физичкиот изглед, да се споменуваат достигнувања, да не се фали секоја ситница, туку работите кои навистина заслужуваат пофалба. Но, постојат и други, уште поефикасни начини не само да ја подигнете самодовербата на вашето дете, туку и да му помогнете да развие правилна свест за себе.
Советничката за родителство Лиомарис Рејес зборува за три совети за развивање на самодовербата кај децата пред 5-годишна возраст.
Зошто токму пред 5-годишна возраст?
Еве како тоа го објаснува Рејес: „Затоа што до таа возраст е развиена нивната самоконцепција. И подоцна ќе имате тинејџер кој е производ на тие години на формирање. Значи, што и да вложите во нив за време на нивните рани години, тоа ќе добиете назад кога ќе станат тинејџери“.
Уф, звучи помалку застрашувачки, особено ако вашето дете е веќе постаро од пет години. А оваа советничка посочува и нешто друго: „Најризичното сексуално однесување во тинејџерските години е производ на ниското поимување или концепт за себе развиен во првите пет години од животот“.
3 начини за поттикнување на самодовербата кај децата до 5 години
Еве што вели Рејес – кои се 3-те начини да ја зголемите самодовербата кај децата до 5 години. „Прво, ќе му дозволите на вашето дете да прави работи, да се обидува работи, да прави грешки“, вели таа. „Ќе им дадете важност со тоа што ќе им дадете одредени улоги во куќата. Нека диплат облека, нека собираат садови, нека ви помогнат да го искапете домашното милениче. Оставете ги да прават работи што ќе им овозможат да ја развијат идејата дека „јас сум способен човек и знам како да ги правам работите“. А кога ќе направам грешка, само продолжувам.“
„Втората работа што ќе ја направите е кога ќе згрешат, ќе ги дочекате тие грешки како можности за учење“, продолжува таа. „Наместо да го етикетирате детето со изрази како „тоа не ти оди, тргни ми се од патот“, искористете ја можноста да научите некого како да ги прави работите како што треба. „Еј, видов дека го направи тоа. Како би било да се обидеме на овој начин?’ па детето учи: „Можам да учам од моите грешки и да растам затоа што сум способна личност која може да придонесе за овој дом“.
„Една последна работа: нема да користите налепници и награди“, заклучува Рејес. „Ќе им дозволите да создадат позитивно чувство кога ќе ја направат вистинската работа. Затоа што погодете што, нема секогаш да бидете таму и да делите налепници“.
Ако вашето дете има повеќе од 5 години и читањето на ова ве загрижува, не грижете се. Сè уште има начини да им помогнете да развијат самодоверба подоцна.
