Нормално е да вашето дете биде нервозно ноќта пред првиот училишен ден. Меѓутоа, во зависност од тоа колку ќе трае оваа нервоза, ќе препознаете дали всушност станува збор за анксиозност, вели Ирина Горелик, детски психолог и открива кои 3 знаци укажуваат на тоа дека детето можеби страда од анксиозност.
1. Постојано мора да го разуверувате
Ако детето постојано бара од вас да го уверите во неговата сигурност, тоа може да биде знак дека тоа доживува некаква анксиозност. Вообичаените прашања што би можело да ги постави вклучуваат:
- Дали ќе бидам болен?
- Дали ќе бидам добро?
- Што ако се случи нешто лошо?
2. Не се чувствува добро
Со оглед дека детето нема речник со кој би можело да објасни дека се чувствува вознемирено, анксиозно, наместо тоа би можело да каже дека го боли стомакот или дека едноставно не се чувствува добро. „Често, ако детето е анксиозно, може да почувствува некои физички симптоми кои инаку не можат да се објаснат, а се присутни по одреден животен настан, транзиција или промена“, вели Горелик.
Овие симптоми се:
- Немир
- Раздразливост
- Потешкотии со фокусирање
- Болки во стомакот
- Главоболка
- Мачнина
- Несоница
- Губење на апетит
3. Семејството или детето минуваат низ промена
„Кога има доследност и стабилност во животот на детето, тоа му помага да се чувствува безбедно и неговиот нервен систем може да не се активира толку често“, вели Горлик, додавајќи дека големата промена може да биде дестабилизирачка. Примери за такви промени вклучуваат:
- Селење
- Започнување или завршување на училиште
- Промени во семејната динамика како што се развод, загуба на сакана личност или доаѓање на брат или сестра
