По девет месеци бременост, труднички тегоби и сите неочекувани промени на телото и по породувањето, кое можеби било долго и тешко, можеби не знаете какви други непријатни работи ве очекуваат во првите неколку недели. Ова се работи кои можеби не сте ги очекувале и на кои никој не ве предупредил дека ќе се случат по породувањето.
Сè уште чувствувате болки
Дали мислевте дека болните трудови болки ќе исчезнат по породувањето? Кај некои жени, контракциите не исчезнуваат веднаш. Во следните неколку недели, вашата матка ќе се враќа во големината пред бременоста, а поради тоа може да почувствувате силни грчеви, слични на тешки менструални грчеви. Овие болки се посилни ако веќе сте се породиле и ако доите. Но, за среќа, тие не траат подолго од два до три дена.
Се чувствувате надуено
Вашето тело е полно со вишок течност акумулирана за време на бременоста, а тоа може да предизвика отечени стапала, глуждови и прсти. Трае само неколку дена, но додека не помине, можеби нема да можете да носите апостолки. Веројатно и многу ќе се потите ноќе бидејќи телото мора да се ослободи од вишокот течности.
Одењето во тоалет не е пријатно
По породувањето може да имате проблеми со запек. Потребни се ден-два за цревата да се вратат во нормала, а нешто подолго ако сте имале царски рез. Пијте многу вода и јадете храна богата со растителни влакна како овошје и зеленчук, а можете да побарате лаксатив од вашиот лекар.
Имате промени во расположението
Можеби сте имале промени во расположението за време на бременоста, но тие продолжуваат и по породувањето. Таканаречениот бејби блуз е на својот врв три до четири дена по породувањето, но ако и по шест недели се чувствувате ужасно, разговарајте со некого за постпородилната депресија.
