Мајчиното млеко е најдобрата храна за новороденче. Има многу придобивки од доењето, како за детето така и за мајката. Обезбедува најдобар сооднос на вода и хранливи материи и постојано се прилагодува на потребите на детето, а притоа е бесплатно, убаво и дава чувство на блискост. Но, понекогаш е тешко да се „преживеат“ честите моќни подои. Ноќното хранење помага во подобро производство на пролактин, хормон кој го поттикнува телото да произведува повеќе млеко.
“За детето доењето е многу повеќе од само храна. Тоа е удобност и психолошка стабилност. Не го лишувајте вашето дете од нешто што го сака на таков начин што ќе плаче додека не се исцрпи, а потоа ќе заспие. На крајот ниту вие спиете ниту детето е среќно. Ноќните подои со тек на времето детето само ќе ги исфрли и нема потреба да го присилувате и да го исцрпувате и бебето и себеси“, вели советничката за доење, Барбара Финдерле.
И покрај исцрпеноста, првите месеци од мајчинството се посебни. Кога мислите дека сакате да спиете повеќе од 30 минути одеднаш, обидете се да ги вклучите овие неколку совети во вашите ноќни рутини.
- Спијте кога бебето спие
Тоа е совет кој сигурно сте го слушнале многу пати досега, а ние ќе го повториме уште еднаш. За да бидете поодморени, важно е да се одморате секој пат кога имате можност. А особено ноќе. Со текот на времето, доењето, вклучително и ноќе, станува полесно. Најдете ја најдобрата положба за ноќно хранење што нема да ве разбуди вас или вашето бебе. И продолжете да спиете заедно.
- Доете го бебето во кревет или во близина на креветот
Спиењето со бебе во ист кревет може да биде „незгодна“ тема. „Поради нискиот калоричен состав на мајчиното млеко, кое е специјално приспособено на сè уште недоволно развиениот дигестивен систем на доенчето, бебето има потреба од чести ноќни подои. Поради тоа, мајките кои дојат, дури и ако претходно немале намера да спијат заедно со своето дете, обично брзо сфаќаат колку доењето е поедноставно кога бебето спие со нив во кревет. Тоа мора да биде ваша одлука.
- Обрнете внимание на потребите на бебето
Секое бебе е различно. Некои ќе се држат до распоредот, а некои не. Во секој случај, кога бебето е мало, треба да размислите за неговите потреби. Воведувањето на распоред може да почека. „Доењето на барање, подразбира подој секогаш кога детето тоа ќе го побара, односно да одговориме на неговите потреби. Не постои пропишано време помеѓу подоите, ниту колку треба да трае доењето. Подојот трае се додека детето само ја испушти градата или не заспие. Секое дете е индивидуа за себе и има свои потреби на кои мајката ќе одговори“, велат педијатрите.
- Направете релаксирачка средина
Колку и да е примамливо да ги вклучите светлата или да направите нешто друго за да останете будни, запомнете дека за да може вашето бебе да ја разликува ноќта од денот, мора да има разлика помеѓу бучавата преку ден и тивката ноќ. Бебето мора да има позитивни асоцијации со спиењето. Најлесно е да го заспиете бебето доколку имате правилна рутина. „Бебето мора да спие доволно во текот на денот бидејќи нема да може да заспие ако е преуморно“, објаснуваат лекарите.
