Можеби мислите дека на прагот од втората деценија од животот, вашите деца се сè уште неподготвени за сериозни разговори, но ова е точното време кога треба со нив отворено да разговарате за четири важни теми.
- ЗА ПАРИ
До 10.. роденден, децата и тоа како стануваат свесни за вредноста на парите. Поточно, знаат дека парите можже да им донесат многу нешта, но се уште не го разбираат поимот финансиска одговорност. Со оглед дека децата во тие години не можат сами да заработуваат, стручњаците советуваат со помош на џепарлак да им објасните што значи одговорно постапување со пари. Џепарлакот не мора д абиде голем, туку симболичен износ.
Објаснете им дека со штедењето пари, долгорочно ќе можат да купат нешто што им е важно. Ако веднаш го потрошат џепарлакот, едноставно не ќе можат нешто да си овозможат и да се откажат од важни работи.
Поради притисокот на општеството и околината, децата денес често бараат поскапи предмети или облека од своите родители. Кога купувате нешто на нивно барање, понудете им да учествуваат во трошоците. Тука ќе можат да ги искористат парте од џепарлакот и да сфатат како функционира финансиската одговорност.
- ЗА ПРИТИСОКОТ И ЗЛОСТАВУВАЊЕТО НА СТРАНА НА ВРСНИЦИ
Веднаш штом ќе започнат со училиште, децата се соочуваат со притисокот на околината во која се наоѓаат. Не е невообичаено некои врсници да се истакнат уште во прво или второ одделение како посилна група која се обидува да доминира над послабата. Притисокот од врсниците често прераснува во злоставување, односно врсничко малтретирање и насилие.
Децата многу добро го прикриваат фактот дека некој ги малтретира и токму тоа мора да стане редовна тема на вашите разговори. Охрабрете ги да бидат искрени со вас затоа што само така можете да им помогнете.
Редовно прашувајте ги за децата со кои се дружат и следете ги нивните реакции за да можете навремено да откриете потенцијален проблем.
- ЗА САМОДОВЕРБА И САМОПОЧИТУВАЊЕ
Чувството на самопочитување прво треба да го стекнат, а потоа да научат како да го задржат. Притисокот од околината често ги тера на неразумна компетитивност во сите подрачја, што на децата им создава голем стрес. Ако не постигнат резултати кои се задоволувачки, често се чувствуваат лошо, оти мислат дека не се доволно добри.
До 10. роденен мора да ги научите дека вложениот труд всушност е поважен од резултатот и дека треба еднакво да го ценат како и прво место на натппревар или најмногу постигнати голови.
Така, неуспесите на кои сите наидуваме во текот на животот нема да влијаат на нивната самодоверба. Никој не може да стори сé совршено, ниту треба постојано да се стреми кон совршенство, бидејќи тоа е притисокот што може да влијае на психолошкото и физичкото здравје.
- ЗА СЕКС
Денес, децата постојано се изложени на интернет и телевизија, неисцрпен извор на разни информации. Поради тоа, тие побрзо созреваат и имаат многу прашања. Тема што не треба да биде табу по 10. роденден е секако сексот. Многу е веројатно да, дури и во тие години, тие знаат повеќе за сексот отколку што можете да замислите, но важно е да разговараат за тоа со вас за да имаат реална слика за одговорен сексуален живот.
Многу родители се плашат од тоа, бидејќи сметаат дека тоа ќе ги охрабри нивните деца предвреме да се впуштат во сексуални односи, но експертите велат дека токму отворениот разговор ќе го спречи тоа. Затоа е важно да заборавите на непријатноста, затоа што е подобро вие да станете извор на точни информации за сексот, наместо нивните врсници.
