Знаеме колку е стресно да се гледа дете кое плаче, вика и се тркала по подот, а вие не можете да направите апсолутно ништо, туку само да чекате да помине тое диво торнадо на емоции. Тантрумите се случуваат бидејќи социјалните и емотивни вештини кај вашето дете се уште се развиваат. Децата често немаат зборови со кои би ги искажале големите емоции, ја тестираат својата независност и откриваат дека, со своето однесување, можат да влијаат на луѓето околу нив.
Тантрумите се експлозии на лутина и фрустрации, а тогаш детето не може да ги контролира своите емоции. Може да се случи на легне на под и да вика, со вкочанети раце и нозе, да се извива, да удира се околу себе и да почне неконтролирано да трча. Некогаш дури намерно го задржуваат здивот, па може да изгубат свест, а знаат и да повраќаат.
Како можете да ги спречите или барем да ги ублажите?
Да, но ако нападите на бес се сериозни и го отежнуваат секојдневното функционирање на вашето семејство, или ако премногу ве вознемируваат вас или детето, ќе морате посериозно да му пристапите на проблемот, особено ако сте загрижени дека можете во лутина да го повредите детето.
Секое дете на свој начин ги доживува и изразува чувствата на лутина, но сепак постојат некои “општи“ насоки кои можат да ви помогнат да ги запрете нападите на бес во фазите на појавување.
- Научете го детето да ги препознава своите емоции, а потоа соодветно да ги изразува. Детето мора да научи, без агресија, да ја изразува својота лутина.
- Обидете се да спречите тантрум пред да започне. Важно е да забележите и препознаете што го мачи детето за да можете навреме да реагирате.
- Наместо да викате, обратете му се на детето со тивок глас. Тоа ќе застане за да слушне што зборувате. Оваа техника се покажала како исклучително ефикасна.
- Остани смирени. Ова е дефинитивно најголемиот предизвик за еден родител. Викањето и лутината уште посилно ќе го потенцираат нападот на бес, а тоа никако не го сакате. Не смеете да ја изгубите контролата над ситуацијата.
Нападите на бес се исцрпувачки и напорни за сите. Како што ве исцрпуваат вас, го исцрпуваат и детето. Запомнете, за сите овие тактики и нивна примена е потребно време. Детските емоции се многу чувствителни и комплицирани, бараат трпение, многу љубов, нежност и разбирање.
5 големи НЕ!
- Не му викајте на детето – нема да делува!
- Не му се смејте – така ги омаловажувате чувствата на детето!
- Не го имитирајте детето и не му се исмевајте – така учи да се исмева со другите деца!
- Не казнувајте го детето – подоцна во животот би можело да ги потиснува чувствата!
- Не му нудите награда ако престане – така учи да манипулира со другите!
