Жените денес имаат многу повеќе права и опции во поглед на креирање и остварување на своите амбиции. Но, од друга страна, мачинските чувства и натаму се важни, па често грижата на совест и недостатокот на време не претвора во супер жени кои мислат и сакаат да го дадат својот максимум.
Дневните обрски, како перење, готвење, работно време на работа, обврски околу децата – облекување, капење, шетање во парк и низа други активности кои мора да се извршат, не треба да се најважните работи за кои треба да размислувате денес.
Наместо тоа, стручњаците предлагаат пет работи за кои можеби и не размислуваме кога ќе помислиме што треба да направиме за детето денес, кои не се први на листата, ниту во мислите, а треба да бидат. Обидете се секој ден, овие работи да ги вброите во обврските кои треба да ги реализирате. Не се едноставни, оти бараат повеќе од физичка работа, бараат целосно ваше внимание, волја и љубов, но резултатот вреди.
Резултатот е прекрасна насмевка на лицето на вашето дете, неопходна состојка за развој на целосна и квалитетна личност, која зрачи со самодоверба.
ЉУБОВ
Љубовта е многу повеќе од грижа за нив, хранење, облекување и ситници кои ги правиме за оние кои ги сакаме. Познато ни е тоа безусловно чувство кое е секогаш присутно во нас, па и тогаш кога сме лути на нашите сакани. Но, освен самото чувство, важно е љубовта и да им ја покажеме со мали дела кои говорат дека ни е важно. Додадете екстра прегратка, бакнеж или изразете ги чувствата со зборови. Саканата личност е среќна личност, а на децата треба секој ден да им покажуваме дека ги сакаме.
ВРЕМЕ ЗА ИГРА
Децата нема засекогаш да бидат деца. Често го слушаме ова, но не размилсуваме за минливоста на времето, а времето со децата го земаме здраво за готово. Краток е периодот од нивниот живот кој може да бидат целосно безгрижни и дамо да си играат. Штом почнат учлилишните обврски, различни обврски им го пополнувата слободнот време. Не ги оптоварувајте со непотребни активности и дозволете им да имаат време за игра, слободно размилсување, мечтаење, создавање, истражување и откривање.
УЧЕЊЕ
Науката покажала дека децата имаат уникатна способност за учење додека се млади, па тие брзо учат и совладуваат нови вештини. Одвојте малку време за своите деца. Нека биде спонатно и посветено само на нив. Не мора никого посебно да ангажирате за учење. Може да ги научите толку различни работи, како странски јазик, уметност, спорт, интересни факти од природата…И да не знаете нешто, заедно истражувајте преку книги или интернет.
ПОФАЛБА
Ако вашето дете постигне успех во нешто, па колку успехот и да е мал, секогаш пофалете го. Понекогаш задачата се чини многу едноставна, но можеби и не е за вашето дете, и покажете дека сте горди на него. Децата преку пофалбите ја јакнат самодовербата, градат карактер и почести избираат нови предизвици кои треба да ги совладаат.
ПОТТИК
Слично како и со пофалбите. Ако детето има потешкотии во совладување на некои вештини или пак се чувствува несигирно, охрабрете го дека е важно да се потруди најдобро што може и да не се плаши да проба нови работи.
