Статистиката вели дека во просек една од три жени раѓа со царски рез. Дали е неопходен царски рез или не, кај нас проценуваат лекарите, и тоа ако во текот на породувањето дојде до ненадејни компликации или ако станува збор за ризична бременост за која е подобро да се заврши со царски рез. Иако можеби ги знаете “техничките нешта“ поврзани со царскиот рез, важно е да ги знаете деталите за кои акушерите и не зборуваат.
- Атмосферата во операционата сала
Има голема шанса да слушнете како хируршкиот тим ги проверува инструментите и зборува за текот на породувањето, како вие воопшто да не сте присутни. Можеби ќе слушнете какви серии гледале или каква пица јаделе синоќа. Сè за што може да зборува медицинскиот персонал може да ве збуни. Имајте на ум дека без разлика за што зборува медицинскиот тим, тие добро знаат што прават, па затоа е важно да им се препуштите. Тие и тоа како се свесни дека на свет донесувате нов живот.
- Нема да чувствувате голем дел од телото
Долниот дел од телото за време на зафатот ќе биде умртвен, што е последица на анестезијата. Меѓутоа, некои родилки имаат искуство дека поради вкочанетоста на телата се чувствувале помалку исклучени. Само фокусирајте се тоа дека наскоро ќе го запознаете вашето бебе.
- Ќе почувствувате како излегува бебето
Ако некогаш сте имале операција или конци на рана, сигурно сте запознаени со ова чувство. Овој пат ќе почувствувате безболно лулање и повлекување додека бебето се извлекува од вашата матка.
- Ќе биде готово побрзо од што очекувате
Целиот зафат на царски рез трае околу 40 минути, вклучувајќи го и времето на шиење на раната. Сигурно тоа е многу побрзо од она што сте го чекувале, зарем не?
- Можеби подоцна ќе ви дојде млекото
Вкочанетоста веројатно ќе продолжи и по породувањето, па можеби првиот подој нема да го почувствувате на вистинскиот начин. Исто така, постои можност млекото малку да ви доцни во надоаѓањето во однос на вагиналното породување, поради подоцно ставање на детето на дојка.
