Вообичаено е децата во текот на летото да се почувствителни, а жешкото време и спарнината прави нивната кожа да е поизложена на иритации и неповолни влијанија. Станува збор за влијанието на сонцето, морската вода и се останато кое може да доведе до инфекции. Лекарите ги посочуваат овие, како најчести инфекции што можат да се појават кај децата во текот на летниот период.
ИНФЕКЦИЈА НА УСТАТА
Комбинацијата на солена вода, сончеви зраци и хлор предизвикува пукање на усните, а со тоа и идеални услови за појава на инфекции на усните, устата и забите. Ако забележите промени, обратете се за стручна помош. Препорачливо е користење на балзам за уста со УВ заштита.
ЦРЕВНИ ИНФЕКЦИИ
Цревните инфекции, исто така не се редок случај. Имено, бактериите и вирусите од нечистата вода и расипаната храна може да предизвикаат хаос, односно да направат проблем во вид на цревни инфекции. Извори на инфекција се најчесто расиано млеко, јајца и месо, како и овошје и зеленчук што не се мие. Симптомите на труење се манифестираат во вид на дијареа, малаксалост, висока температура и мачнини. Се советува да се побара педијатриска помош за да се препише соодветна терапија, како и внимание за рокот на траење на намирниците што детето ги консумира.
УРИНАРНИ ИНФЕКЦИИ
Овој вид на инфекции најчесто е застапен во текот на летните месеци. Болно мокрење, зачестено чешање во делот на гениталиите и појава на секрет укажуваат на задолжителна посета на лекар, Се препорачува промена на костимот за капење со претходно сушење на кожата.
КОЖНИ ИНФЕКЦИИ
Кожните инфекции се чести на нежната детска кожа за време на летниот период. Станува збот за мали микроповреди на кожата кое не се видливи со голо око, кои во контакт со нечиста вода или песок може да доведат до равој на инфекции. Симптомите се црвенило, шечање и висока температура.
ИНФЕКЦИЈА НА ОКО
Хлорот и топлиот воздух може да предизвикаат инфекција на окото. Во лето децата повеќе се потат и ги триат очите со валкани раце, што доведува до иритација. Црвенило, солзење и оток ќе укаже на итна посета на педијатар.
