Кога бебето ќе се роди, сите ваши роднини и пријатели ќе посакаат да ви честитаат и да дојдат за да видат како изгледа бебето и да слушнат како сте поминале со породувањето.
Секако се е тоа добро ако сте личност која сака гужва и сакате да ги споделите сите детали околу породувањето додека бебето се префрла од едни во други раце. Но, многу парови не сакаат да минуваат низ такви ситуации. Всушност многу семејства сакаат да се “затворат“ во деновите откако бебето ќе дојде дома за да подобро се снајдат и навикнат на новата ситуација и должности.
Што и да мислите по ова прашање, важно е да се договорите со партнерот кои правила важат за вашите гости и како ќе ги поставите тие граници.
Ова се работи за кои треба да се договорите пред гостите да пристигнат:
ОДРЕДЕТЕ СВОИ ПРАВИЛА
Разговарајте со партнерот дали ќе ви пречи ако некој друг го држи во раце вашето бебе. Да се има бебе е прекрасно, а грижата за новороденчето и неговиот нежен имун систем ќе биде ваш приоритет. Што значи дека настинати мали деца или било кој со некоја вироза, треба да избегнува да доаѓа кај вас. Дали сте размислувале кој се би можел да ви дојде на посета и колку долго да остане?
ШТИТЕТЕ СЕ ЕДЕН СО ДРУГ
Разговарајте со сопругот како сакате да изгледаат посетите на други луѓе, како би знаеле како да се поставите ако дојдете во непријатна ситуација во која треба да делувате. Не е секогаш едноставно да се делува кога се во прашање пријателите и роднините. На пример, ако не сакате нечие постаро дете да го гушка и бакнува вашето бебе, еден од вас може да реагира во таква ситуација. Можеби ќе ви пречи што посетата трае многу долго, и можете на партнерот да му дадете знак да делува, така што ќе почне да ги раскрева работите.
САМО КАЖЕТЕ ДА!
Многу госту ќе ви кажат дека сакаат да помогнат околу бебето и тоа е време кога својата гордост треба да ја ставите на страна и да кажете ДА. Всушност најдобро е точно да им кажете како може да помогнат, оти луѓето некогаш не знаат што точно сакате. Затоа бидете јасни со нив и вам ќе ви биде полесно.
НЕ ГРИЖЕТЕ САМО ЗА ГОСТИТЕ
Избегнете ја замката на домаќини, за да не се случи некој друг постојано да го држи бебето, додека вие цело време сте во кујна. Ова е ваше време кога треба да се одморите и да соберете сила, и побарајте помош ако ви треба.
НЕ ГРИЖЕТЕ СЕ ШТО ДРУГИТЕ ЛУЃЕ МИСЛАТ
Сакате да бидете сигурни дека лицата кои влегле во вашиот дом ги измиле рацете и дали имаат некоја болест, прашајте ги отворено. Не грижете дали некој ќе помисли дека сте хистерични или дека премногу се грижите. Ваша работа е да водите сметка за имунитетот на бебето кој се уште не е развиен. Верувајте, соочувањето со навреден родинина или пријател е полесно, отколку да лекувате настинка и болест кај мало бебе.
