Прехранбените навики кои ги усвојуваме во најраната возраст одредуваат каква храна ќе преферираме подоцна во животот. Сите понекогаш на децата им нудиме “брза“ храна, најчесто поради немање време, но кои се намирниците кои треба да се избегнуваат?
ФЛИПС (СМОКИ)
Најчесто содржат сол, хидрогенизирани билни масти, потенцијален алерген икикирики и/или различни зачини во прав и засилувачи на вкусот. Предлог замена, според нутриционистот Кармен Мелки се експандирани житарки за храна, оризови или пченкарни крекери без сол, флипс од просо, амарант или крекери од интегрални житарки.
МАЈОНЕЗ
Содржи жолчка и билно масло, но може да содржи и скроб и зачини, зависно од видот на производот. Мајонезот нема потреба да се воведува во детската исхрана, и може да се замени со јајца. Постојат други типови на намази, како домашни направени од авокадо, леблебија, млеко…
ВИРШЛИ
Процесуираните прехранбени производи кои се прават од свинско и/или говедско месо, а сега и од пилешко масно и сврзно ткиво и други додатоци. Количината на белковини од месо во производот мора да биде минимум 10%. Поради нискиот удел на белковини, виршлите не се вбројуваат во нутритивно вреден производ за исхрана на децата, додава нутриционистот Мелки. Виршлите и паштетата, освен што содржат маснотии и секакви останати месни состојки, не се соодветни за исхрана на децата, оти содржат и разни конзерванси (нитраи, глутамати и сл.), кои исто така може да предизвикаат алергиска реакција.
ПАШТЕТА
Нутриционситот Мелки објаснува дека паштетата е производ од различни видови месо, машински обескостено месо, масно и сврзно ткиво, изнутрици и дополнително состојки. Количината на белковини од месо во производот мора да биде минимум 8%. Препорака за соодветна замена се месни кашички за помали деца, или домашни паштети кои се подготвуваат од парче варено месо, зеленчук, зачини и масло и кои како богат нутритивен оброк може да му се понуди на детето.
ПЕКАРСКИ ПРОИЗВОДИ
Повеќето содржат бело брашно, што значи изобилство на скроб кој дава исклучливо енергија и квасец кој може да создаде непријатна надуеност, па затоа е подобро да се земе интегрално пециво или леб за оброк, додека крофните, кроасаните треба да се заменат со домашни бисквити, советува нутриционистот.
СЛАТКИ
Рафинираниот бел шеќер на телото не му дава ниту еден важен нутриент. Сахарозата се наоѓа со намирниците како што се колачите, десертите и соковите, но овој шеќер често е скриен и во некои намирници како житарки за појадок, пецива, овошен јогурт и десерти, конзервирано овошје и зеленчук, готови супи и сосови како кечапот. Според нутриционистите, прекумерното консумирање шеќер е главен ризик фактор за создавање на забен кариес, прекумерна телесна тежина и појава на пролив кај децата.
