Децата најмногу учат гледајќи ги своите родители, па затоа е важно да се запамети дека она што го правиме е многу поважно од она што го кажуваме.
Мајките и татковците понекогаш не се ни свесни дека нивното однесување и навики можат значително да влијаат на самопочитта и самодовербата на нивните малечки, а ние ви откриваме шест навики кои можат да им помогнат на децата да пораснат во позитивни возрасни луѓе.
1. Сакајте го вашето тело
Ако не се чувствувате добро во вашето тело, на вашето дете ќе му биде тешко да се чувствува добро во своето.
2. Внимавајте како зборувате за вашето тело
Колку пати велите „леле, колку сум дебел/а“ или „колку сум поправен/а“? Ако така зборувате за вашето тело пред детето, тоа многу брзо ќе почне да го имитира сето тоа и истото да го зборува и за својот изглед.
3. Запомнете дека дебелината не е чувство
Кога ќе кажете „Се чувствувам толку дебело“, несвесно го учите вашето дете да го користи своето тело за да ги опише своите чувства. Нарушувањата во исхраната и лошата слика за телото се развиваат кога чувствата се потиснуваат и се става премногу акцент на телото, наместо да се дозволат вистински чувства – тага, среќа, гнев…
4. Виткоста не мора да значи здравје
Без оглед на тоа колку тежите, вашите животни навики се тие кои многу повеќе го одредуваат вашето здравје. Секој може да биде слаб со гладување и следење на строга диета, но слабоста не мора да значи здравје. Обидете се да го научите вашето дете да јаде здрава храна, да има редовна физичка активност, за да биде здраво.
5. Не бидете полиција за храна
Наместо постојано да му кажувате на вашето дете дека не може или не треба да јаде нешто и да се однесувате како полиција за храна, обидете се секогаш да имате здрава храна на дофат, односно она што сакате да го јаде. Премногу фокусирање на храната не е добро бидејќи го оптоварува детето.
6. Ослободете се од брзата храна
За да се храните здраво – пред се вие, а со тоа и вашето дете – многу е важно во вашата околина да немате плакари полни со брза храна и грицки. На крајот на краиштата, ако имате, на пример, чипс во кујната, очекувано е детето да го јаде него наместо моркови.
