Мајките ги сакаат своите деца, тука нема дилема. Честите ноќни станувања, постојаното нишкање поради грчеви и удоволувањето на секоја желба на своето бебе, се секојдневние и за мајката и за таткото. Но, ве сака ли и вашето дете со ист жар? Иако бебињата не можат да ја искажат својата љубов со зборови, постојат начини да ја препознаете нивната привразност, благодарност и љубов. Ви откриваме некои од нив!
Не го трга погледот од вас
Бебето го препознава мајчиниот глас од раѓање. Психолозите велат дека развојот на приврзаноста е процес и бебето од раѓање го препознава лицето и мирисот на мајката. Следниот чекор, додаваат тие, е поврзувањето на звуците и мирисот што ги познаваат со она што го гледаат. Затоа бебињата се во состојба со часови да го проучуваат вашето лице. Морааѕ да бидат сигурни како љубовта изгледа.
Кога ќе почнат да го препознаваат лицето на мајката и таткото и да го поврзуваат со среќа, на вашето галење и зборување ќе одговорат со прекрасна насмевка. Така се продлабочува врската помеѓу вашето дете и вас.
Среќно се насмевнува или гласно се смее
Често ќе видите новороденче како се смее во сон. Кога бебето расте, ќе почне да се смее на работите кои ги сака и ги препознава – лице, глас и галење. Бебето од шестата до осмата недела почнуваат да возвраќаат со насмевка на вашата насмевка. Уште и ако се обидува да зборува со вас, знајте дека ви покажува приврзаност.
Се обидува да ве бакне
Сите бебиња брзо сфаќаат дека бакнежот е израз на љубов. Кога често ги бакнувате, тие сакаат да ви возвратат. На почетокот тоа нема да биде вистински бакнеж, повеќе ќе бидат мокри допири и нежни гризнувања. И тоа на место кое им е најблизу, во образ, врат или грб.
Страв од одвојување
Ова искажување на љубов и не е толку слатко. Тешко е да се остави бебето или детето на некоја друг и низ врата да слушате како плаче, но и тоа е уште еден показател на љубов. Штом бебето почне да препознава лица, ќе биде совршено задоволно во вашата прегратка. Штом некој друг ќе се обиде да го земе во раце, ќе го покаже своето незадоволство со плачење.
Кај вас бара утеха
Ако гласен и ненадеен звук го преплаши вашето дете, инстиктивно ќе бара да го дигнете и да се утеши на вашето рамо. Вие сте лицето од кое бара охрабрување. Децата им веруваат на родителите дека ќе ги заштитат и тоа исто така е знак на љубов.
Ве имитира
Вашето дете се уште не го знае значењето на зборот љубов, но знае што тоа значи: вие сте му најважната личност на светот и сака да биде со вас и сака да биде слично како вас. Ако вашето бебе сака да зема играчка мобилен и се обидува да имитира звуци на зборување на телефон, тоа го видело од вас. Како и сите останати, и децата имитираат однесување и активности на лицата кои најмногу ги сакаат, велат психолозите.
