Да се гледа како бебето учи, расте и ги совладува сите нови предизвици е едно од најголемите уживања на родителите. Но, можеби сешто сте слушнале или прочитале за развојните фази во текот на првите месеци од животот на бебето, па ви ги претставуваме најголемите митови во кои многумина се уште веруваат.
МИТ 1: Вашето новороденче не може да се насмее
Можеби сте слушнале дека бебињата не се смеат се додека не наполнат два месеци. Но, можно е бебето да ја имитира вашата насмевка дури и во првите 36 часа по раѓањето. Насмевката е одлична за емоционално поврзување со детето, така да смејте му се на бебето колку сакате бидејќи голема е веројатноста да ќе ви возврати со насмевка.
МИТ 2: Бебињата се развиваат со слично темпо
Еден од најголемите митови е дека бебињата се развиваат со слично темпо, но тоа едноставно не е вистина. Секое бебе е приказна за себе. Затоа, не го споредувајте вашето дете со други бебиња. Мајките обично го прaват тоа, но вашето бебе е единствено и ќе достигне напредок во свое време.
МИТ 3: Децата кои рано проодуваат ќе бидат спортски типови
Децата во просек првите чекори ги прават околу 12 месец, но некои не почнуваат да одат ниту на 17 месеци, што е во рамките на нормалниот распон на развој. Ако сте загрижени поради грубите моторички вештини на вашето бебе, секако посетете педијатар. Но, дали детето ќе ги направите првите чекори на 10 или на 16 месеци, не е показател за неговите идни атлетски способности.
МИТ 4: Надарените деца почнуват порано да зборуваат
Надарените деца можат да почнат да зборуваат порано од просекот. Некои родители забележуваат дека нивното надарено дете почнало да зборува на девет месеци. Но, надарените деца можат да прозборат и подоцна, дури и од двегодишна возраст. Често овие деца тивко го набљудуваат светот околу нив и кога ќе прозборат, тоа е со проширени реченици. “Типичниот“ опсег за почеток на говор е широк. Во просек, децата го кажуваат првиот збор помеѓу 10 и 15 месеци.
МИТ 5: Класичната музика ќе ги направи бебето попаметно
Можеби сте слушнале дека ако бебето често ги слуша композициите на Моцарт ќе се зголеми неговата интелигенција. Моцарт можеби е пријатен за слушање, но неговата музика нема да му помогне на бебето да напредува побрзо. За постаро дете, учењето музички инструмент може да помогне да се развијат фини и груби моторни вештини, да се подобри сензорниот развој и координацијата на рацете и очите.
МИТ 6: Цела преспиена ноќ не е пресвртница
Додека вртењето, седењето, стоењето, ползењето, одењето и зборувањето се пресвртници во развојот, да се преспие цела ноќ без будење не е. Некои бебиња природно спијат “добро“, додека други не. По шест до осум месеци, бебињата можат да научат да спијат без млечна храна, често со многу труд од ваша страна. Тоа е пресвртница.
МИТ 7: Ако вежба, ќе успее
Еден од најголемите митови е дека бебето треба да се форсира за што порано почне да лази или да прооди. Охрабрувањето е одлична работа, но не мора да превртувате сè наопаку обидувајќи се да го постигнете тоа. Дозволете му на бебето слободно да си игра на подот и се ќе се случи природно, само по себе.
