Поради возбуда, замор, хормони и други работи, повеќето мајки тешко се сеќаваат што се се случило во првиот ден со новороденчето, а не во првиот час со бебето. Но, истражувачите тврдат дека првите 60 минути во животот на новороденчето се неверојатни и преполни со постигнувања.
Шведски научници ги проучувале првите 60 минути од раѓањето на бебето и забележале што се точно се случува во тој прв час по доаѓањето на свет. Со камера го снимале однесувањето на 28 бебиња родени во термин, веднаш по раѓањето. Целта била детално да се изанализира однесување на новороденчето – од моментот на раѓање, барање на брадавицата, цицање и спиење.
Научниците велат дека овие пресвртници се само отприлика одредени, но секој прв час за секое бебе е поинаков.
Минута 0
Бебето силно и гласно заплачува. Може ли една мајка да го заборави тој звук? Овој плач помага бебешките бели дробови да почнат да работат.
Минута 2
По плачот, бебето поминува минута во опуштање и се држи за градите на мајката. Тоа е првото мазење на новороденчето со мајката. Научниците сметаат дека оваа пауза од плачење е важна оти го штитела новороденчето.
Минута 2,5
Бебето почнува да се буди, отвора очи по прв пат и постапно почнува да ја мрда главата и устата.
Минута 8
Бебето е веќе активно, очите се отворени пет минути и подолго. Му расте интересот за светот околу себе, го гледа лицето на мајката и градите, почнува да покажува глад, произведува слатки звуци и ги мрда рачињата кон устата.
Минута 18
Уморно е од сите тие активности и сега одмара.
Минута 36
Одморено е и подготвено за понатаму, а инстиктот за храна станува се посилен и бебето според мирисот се врти кон дојките на мајката.
Минута 62
Бебето јаде и така добива мали количини од колострумот.
