Силниот имунитет во сезона на вируси може да го заштити детето од непријатности и дополнителни ризици кои вирусите ги носат. Постојат многу начини да се зајакне имуниот систем на децата, а еден од нив е и здравата и правилна исхрана. Освен разновидноста, постојат и некои намирници кои особено може да помогнат.
Како што препорачува Сара Ремер, нутриционистка од Канада, додадете ги овие 8 намирници во секојдневната исхрана на децата и многу брзо помалку ќе “другарувате“ со топломерот, течењето на нос, проливот, непријатното кашлање.
Јогурт или некој друг производ кој содржи пробиотици
Веројатно сте слушнале за пробиотици – добри бактерии кои одржуваат здрав дигестивен тракт. Според најновите студии, пробиотиците не само што поволно влијаат на органите за варење, може да спречат и заболување од настинка и грип.
Лук
Лукот е суперѕвезда кога е во прашање храна што го јакне имунитетот. Тој содржи компоненети, како што е алицин која на децата им помага полесно да се изборат со инфекциите, поттикнува продукција на антитела, па на тој начин детскиот организам полесно се справува со вирусите.
Бадем
Не само што изобилува со многу хранливи материи, протеини, влакна, калиум, здрави маснотии, бадемот исто така содржи и ниацин и рибофлавин – витамини од Б групата кои го неутрализираат негативното дејство на стресот, подигајќи го имунитетот. Само една четвртина од една шолја бадеми, содржи доволна количина од дневните потреби на детето за витамин Е – моќен антиоксидант. На помалите деца, бадем може да им дадете сомелен или во форма на путер, и на тој начин да избегнете можно гушење.
Риба
Омега-3 масните киселини го поттикнуваат имуниот систем на детето така што ги подигаат одбранбените способности на белите крвни зрнца кога ќе се најдат во борба со бактериите. Се наоѓаат во масната риба, како лосос, пастрмка или туна. Омега-3 масните киселини ги ублажуваат воспалителните процеси.
