Недостатокот на растителни влакна и вода во исхраната на вашето дете може да доведе до појава на тврда столица, проблеми што се јавува кај голем број деца. Влакната природно ќе ја омекнат столицата, но ако таквите намирници досега не биле застапени на детската чинија, обидете се полека да ги воведувате во исхраната. Причината за ова е фактот дека премногу влакна одеднаш предизвикува појава на гасови и надуеност. Препораката е 20 гр влакна на ден, а овие намирници се најдобриот извор:
Малини – Овие бобинки содржат најмногу влакна, има дури осум грама во една чаша. Тие не мора да бидат свежи. И консумирањето на замрзнати малини има предности.
Компир – Еден компир со средна големина содржи скоро 4 грама влакна. Се разбира, прескокнете пржени и претпочитајте да изберете печени или сварени компири.
Овесни снегулки – Една порција обична, овесна каша содржи 4 грама влакна. Прелијте со малку мед или јаворов сируп и додадете исечкано овошје за дополнителна доза на влакна.
Интегрални тестенини – Една порција од овие тестенини содржи 6 грама влакна. Ако вашите деца се навикнати на обични тестенини, измешајте го со интегрални. Ќе им се допадне „шаренилото“ на чинијата.
Грав – Сите мешунки се добар извор на протеини, влакна и железо. Една четвртина чаша содржи околу три грама влакна.
Авокадо – Четвртина чаша испасирано авокадо содржи 3 грама влакна, плус мононезаситени масти кои се здрави за срцето. Премачкајте ги на тост.
Круши – Една круша со средна големина (со кора) содржи 5 грама влакна.
Пуканки – Можете да му ги послужите на детето за време на ужина. Но, најдобро е да ги направите сами на шпорет.
