Понекогаш е тешко да се одреди дали „Мамо, јас сум болен/болна“ значи дека треба да го задржите детето дома, особено за родителите кои работат.
Не грижете се, не сте единствените кои го прават овој разговор со себе.
Колку е детето болно и дали е премногу болно, се прашања кои ги мачат многу родители додека одат на работа. Шмркањето или кашлањето не е голема работа, но според експертите, постојат неколку симптоми кои на родителите треба да им послужат како аларм за тревога.
Ако вашето дете има еден од овие симптоми, тоа денес не треба да излегува од дома, пренесува порталот Motherly.
1. Зголемена температура
Еден од најјасните знаци дека вашето дете треба да се задржи дома е покачената телесна температура.
„Не само што треската е знак за инфекција, туку може да значи и дека вашето дете може да пренесе бактерии на друго дете. Едноставно никогаш не знаете дали работите ќе се подобрат или влошат, а иако лековите може да им ја намалат температурата, тоа нема да ги спречи да ја шират инфекцијата“, објаснува педијатарот д-р Клер Мекарти, која предава на Медицинскиот факултет на Харвард.
Експертите и повеќето училишта се согласуваат дека детето треба да биде без покачена температура (без лекови) 24 часа пред да биде подготвено да се врати во колективот.
2. Повраќање и дијареа
Не само што создава неред, туку и повраќањето и дијареата се меѓу најнепријатните симптоми на болеста, особено за вашето дете ако мора да излезе со овие симптоми. Детето најверојатно ќе биде испратено дома веднаш штом ќе се појават овие симптоми.
Овие симптоми бараат посета на лекар за да се утврди дали можеби станува збор за вирус, особено норовирус, кој е многу заразен.
3. Непрекинато кашлање
Неколку кашлања тука и таму, не се загрижувачки, но долготрајната кашлица е нешто на што треба да внимавате.
Постои разлика помеѓу блага кашлица и упорна кашлица. Упорната кашлица обично е знак за посериозна болест, особено ако е поврзана со болка во грлото, неправилно дишење или болка во градите, а овие комбинирани симптоми се знак за посета на педијатар.
4. Болки во телото или меурчиња на устата
Тешко е да се процени нивото на болка бидејќи не можете да почувствувате како се чувствува вашето дете. Едно е да имате блага главоболка или слаби болки во телото, но сè што е посилно го спречува детето да се концентрира или да се чувствува добро во градинка или училиште. Но, ова не се единствените видови на болка на кои треба да внимавате.
„Мурчиња на устата со лигавење кои детето тешко ги контролира“ или „меурчиња на кожата од кои истекува течност“ се многу добри причини детето веднаш да се однесе на лекар.
5. Постојано плачење
Плачењето може да биде еден од најтешките симптоми за дешифрирање, особено кај помалите деца. Дали плачат затоа што сакаат да останат дома или затоа што се чувствуваат лошо?
Понекогаш причината е и едното и другото, но ако вашето дете плаче до тој степен што би го спречило да учествува во активностите во градинка или во училиште, можеби ќе сакате да го задржите дома и да дознаете зошто.
Ако детето плаче и не може да се смири ниту со забавни активности, најдобро решение е да го оставите дома (и да се јавите на лекар).
