Секој родител сака најдобро за своето дете. Сака да биде здраво, силно, љубопитно и многу други позитивни работи. Но, што да направите кога се сомневате дека има ирационални реакции на секојдневните работи во животот? Што да направите ако детето покажува знаци на анксиозност?
Клиничкиот психолог д-р Кристен Шарма објаснува што е анксиозност кај децата и што родителите може да направат.
“Анксиозноста е клиничка состојба, па за детето да има анксиозно пореметување, мора да ја исполнива клиничката слика. Во тие случаи анксиозноста го нарушува нормалното дневно функционирање на детето“, вели таа.
Иако постојат низа однесувања поврзани со анксиозноста, д0р Шарма издвојува три знаци кои се многу важни:
- Детето зборува негативни работи
Зборува ли вашето дете многу негативни работи и често се случува лошо во секојдневни ситуации како што се училиште, спортски или некои други активности? Иако ова не е јасен показател, тоа би требало да биде нешто на што треба да обрнете внимание. Речениците како: “Никогаш нема да го положам овој тест оти сум лош/лоша по математика“ може да доведат до ниска самодоверба и до поголеми проблеми како анксиозност.
- Детето е постојано загрижено
“Анксиозноста се појавува во различни форми. Вообичаени начини на кои таа се отчитува се загриженост, сомнеж во себе, претерани стравови и социјална анксиозност“, вели д-р Шарма. Избегнува ли детето некои обврски оти е загрижено дека нешто ќе се случи? Или се плаши што ќе кажат другите деца? Имајте на ум дека е нормално да е загрижено, па треба да внимавате со проценката. Д-р Шарма потенцира дека во многу случаи, чувството на анксиозност или нервоза е нормално.
- Детето не сака да биде одвоено од родителите
“Кога децата чувствуваат анксиозност, оти треба да преспијат кај некој, веројатно ќе забележите дека се чувствуваат неппријатно и во други ситуации. Треба да се биде многу внимателен во вакви ситуации и важно е да се донесуваат внимателни одлуки, зависно од местото на кое е детето и колку е голема анксиозноста. Ставањето на детето во ситуации кога се чувствува лошо, може да биде штетно“, потенцира д-р Шарма.
