Пандемијата на коронавирус одамна го смени светот каков што го познававме, а со појавата на вакцините многумина се надеваа дека работите за кратко време ќе се вратат во нормала. Сепак, појавата на делта сојот ги попречи плановите и ги уништи сите надежи дека оваа есен работите ќе се вратат на свое.
Делта сојот целосно ја промени пандемијата на коронавирус. Се промени траекторијата на вирусот, се зголеми бројот на новозаразени, а се променија и вообичаените симптоми на вирусот. На самиот почеток на пандемијата на Ковид-19 бевме запознаени со најчесто пријавуваните симптоми, вклучувајќи: кашлица, треска, замор и болки во телото, но со појавата на новиот сој, се појавуваат и нови симптоми.
Се повеќе заболени пријавуваат болка во ушите
Американските лекари забележале дека се повеќе луѓе кои доаѓаат кај нив се жалат на болка во увото, односно ушите. Луѓето кои пријавиле болка во увото или ушите по дополнителните тестови не покажале знаци на воспаление или други проблеми поврзани со ушите, но биле позитивни на коронавирус, новиот делта сој.
Д-р Никол Фроман, експерт од Флорида, тврди дека токму болката во увото е еден од факторите по кој се разликува делта сојот од претходно доминантната алфа варијанта на коронавирусот. Таа додава дека болката во грлото е главната причина поради која луѓето заразени со делта сојот имаат болки во увото, односно дека болката во увото е предизвикана поради болки во грлото и е поврзана со други симптоми на коронавирус.
Некои експерти претходно веќе објаснија дека болките во увото обично се јавуваат поради инфицирана течност зад ушното тапанче, што е последица на назална и синусна конгестија, вообичаени симптоми на делта сојот на коронавирус.
Проблемите со ушите траат и по коронавирусот
Болката во ушите како симптом на коронавирус предизвикала штета кај некои пациенти и пред и за време на ширењето на делта сојот. Во јуни, пристигна вест дека пациентите во Индија, каде што вирусот на делта бил доминантен во тоа време, пријавиле губење на слухот откако се заразиле со коронавирусот, а Ковид-19 кај некои пациенти го влошил зуењето во ушите.
Симптоми на делта сој на коронавирус
Други вообичаени симптоми на делта варијанта на коронавирус вклучуваат:
- кашлање
- главоболка
- воспалено грло
- болки во мускулите
- треска
Кај вакцинирани лица, делта сојот може да се манифестира со благо воспаление на горните дишни патишта придружено со кашлица, главоболка, болки во грлото и краткотрајни болки во мускулите.
Весли Вилфорд, медицински директор за контрола на болести за Одделот за здравство на округот Џеферсон во Алабама, тврди дека е малку веројатно дека од делта сојот ќе имаме болки во грлото и течење на носот, а поголема е веројатноста дека ќе имаме воспаление на синусите, што може да доведе до болки во увото. (Best Life)
