Американскиот центар за контрола и превенција на болести (CDC) наведува во своите упатства што НЕ ТРЕБА да правите непосредно по вакцинирањето против Kовид-19.
Не земајте лекови без рецепт пред вакцинацијата
Не треба да земате лекови без рецепт, вклучувајќи ибупрофен, ацетаминофен и аспирин, пред да ја примите вакцината, советува CDC, но по вакцинацијата може. Лековите без рецепт, како што е ибупрофен, се антиинфламаторни лекови кои можат да го „отапат“ одговорот на вашето тело на вакцината.
„Не земајте лекови без рецепт пред вакцинацијата, бидејќи тоа може да и пречи на вакцината да ви даде најсилен одговор“, вели микробиологот Дебора Фулер. Таа додава дека по вакцинацијата можете да ги земате овие лекови за да ублажите некои несакани ефекти.
Не грижете се за консумирање алкохол
CDC не препорачува да се вакцинирате со какви било други вакцини истовремено со приемот на вакцината против Ковид-19
Томас Русо, раководител на Одделот за инфективни болести на Универзитетот Бафало во Њујорк, додава дека досега не забележал јасна причина зошто не би смееле да се напиете чаша вино или пиво по вакцинирањето. Меѓутоа, ако имате некои несакани ефекти по вакцинирањето, како што е треската, алкохолот нема да ви помогне, па затоа не треба да го консумирате.
Не се тетовирајте веднаш по вакцинирањето
Кожата е вашата прва бариера против патогените микроорганизми, а исто така предизвикува и имунолошки одговор. Тетоважа или пирсинг веднаш по вакцинирањето може да предизвикаат имунолошка реакција која не би била пожелна во комбинација со имунолошкиот одговор по вакцинирањето, истакнува Фулер.
Експертите сè уште не се целосно сигурни како тетоважата или пирсингот може да влијаат на имунолошката реакција по вакцинирањето, но како мерка на претпазливост, советуваат да ги избегнувате овие активности непосредно по вакцинирањето.
Експертите исто така напоменуваат да не заборавите да внесувате доволно течности по вакцинирањето. Хидратацијата е исклучително важна за вашиот имунолошки одговор, затоа внимавајте на внесот на вода после примање на вакцината
Немојте да примате други вакцини истовремено
CDC не препорачува да се вакцинирате со какви било други вакцини истовремено со приемот на вакцината против Ковид-19.
„Серијата вакцини против Ковид-19 треба да се администрира самостојно во интервал од најмалку 14 дена помеѓу двете дози“, се наведува во упатствата на CDC. Исто така, се наведува дека во овој период луѓето не треба да примаат други вакцини од безбедносни причини.
Не престанувајте да ги земате потребните стероиди
Ако веќе земате стероидни лекови поради некоја хронична состојба, немојте одеднаш да престанете да ги земате. Русо наведува дека постои причина зошто ви се пропишани такви лекови и дека не треба да престанувате да ги земате без да се консултирате со вашиот лекар.
Не претерувајте со вежбање
„Вежбањето не треба да претставува проблем, тоа може да придонесе за подобар имунолошки одговор“, истакна Фулер. Но, немојте претерано да се исцрпувате со вежбање.
„Слушајте го вашето тело. Ако се чувствувате добро – вежбајте. Но, ако се чувствувате лошо по вакцинирањето, одморете се“, изјави Русо за „Хафингтон Пост“.
Експертите исто така напоменуваат да не заборавите да внесувате доволно течности по вакцинирањето. Хидратацијата е исклучително важна за вашиот имунолошки одговор, затоа внимавајте на внесот на вода после примање на вакцината.
