„Во секој случај, чувајте ги своите деца дома (ако имаат симптоми), но не трчајте низ целата земја, обидувајќи се да направите тест за нешто што е многу веројатно да биде настинка, а не COVID-19“, вели професорот Спектор
Децата на кои само им тече носот „апсолутно“ немаат коронавирус, предупредува врвен експерт. Професорот Тим Спектор, од Кралскиот колеџ во Лондон, ги уверува родителите дека симптомот, заедно со конгестија и кивање е „сигурен знак“ дека децата имаат настинка, а не COVID-19.
Професорот Спектор, кој ја води апликацијата за симптоми на коронавирус, стои зад истражувањето кое покажува дека најчестите симптоми на COVID-19 кај деца на училишна возраст се заморот, главоболкaта и треската.
За споредба, најчестите симптоми кај возрасните се замор, главоболка и губење на мирис. Ниту децата, ниту возрасните не пријавуваат често течење на носот.
Професорот Спектор ја потсети јавноста дека течење на носот не е симптом за коронавирус. Тој вели дека постои разлика во симптомите помеѓу возрасните групи – и дека стандардната висока температура, континуирана кашлица и губење на вкус и мирис може да не се појават кај лица на возраст под 18 и над 65 години.
„Воопшто не го гледаме губењето на вкус и мирис кај постарите луѓе и кај децата“, рече тој за програмата на BBC Radio 4 Today.
„Изгледа дека тие не го губат тоа чувство за мирис и се чини дека немаат толку често кашлица и отежнато дишење, така што сликата е различна кај различни возрасни групи, веројатно затоа што имунолошкиот систем се однесува поинаку“.
Според апликацијата за симптоми на COVID, повеќе од половина (52%) од децата под 18-годишна возраст кои биле позитивни на COVID-19 во Британија, не пријавиле ниту еден класичен „возрасен“ симптом (кашлица, треска, аносмија) една недела пред и една недела после тестот
Тој објаснува дека стандардните симптоми на висока температура, континуирана кашлица и губење на чувството за вкус и мирис се јавуваат кај лица на возраст од 18 до 65 години, но тие можат да варираат кај луѓе кои се постари или помлади.
„Во секој случај, чувајте ги своите деца дома (ако имаат симптоми), но не трчајте низ целата земја, обидувајќи се да направите тест за нешто што е многу веројатно да биде настинка, а не COVID-19“, вели професорот.
Според апликацијата за симптоми на COVID, повеќе од половина (52%) од децата под 18-годишна возраст кои биле позитивни на COVID-19 во Британија, не пријавиле ниту еден класичен „возрасен“ симптом (кашлица, треска, аносмија) една недела пред и една недела после тестот.
Покрај тоа, третина (33 проценти) од децата кои биле позитивни на COVID-19 никогаш немале некој од 20-те симптоми наведени во апликацијата, што сугерира дека многу деца се асимптоматски.
Податоците покажуваат дека децата имаат различен опсег на симптоми во споредба со вкупната возрасна популација. Топ 5 симптоми кај деца на училишна возраст кои имале позитивен тест на коронавирус се замор, главоболка, треска, болки во грлото и губење на апетит.
Истражувањето направено на база на податоците од апликацијата открило и дека едно од шест деца (15 проценти) кои имале позитивен тест за COVID-19 исто така имало и необичен осип на кожата.
За возрасните, најчести симптоми се замор, главоболка, губење на мирис, постојана кашлица и болки во грлото. (Дејли мејл)
