Итно предупредување испратено до општите лекари во Велика Британија алармира дека Одделите за интензивна нега во Лондон и други делови на Велика Британија третираат сериозно болни деца со невообичаени симптоми.
NHS Англија соопшти дека знае за помалку од 20 вакви случаи во земјата, каде што поврзаноста е забележана од страна на клиничарите. Истражувањата ќе продолжат, но сè уште не е воспоставена конечна врска, рече нивниот портпарол
Тоа вклучува „мулти-системско воспаление“ со симптоми слични на грип.
Некои, но не и сите, биле тестирани позитивно на коронавирус.
Не е јасно колку деца ја доживеале оваа реакција, иако бројките ќе бидат мали.
Медицинскиот директор на NHS Англија, Стивен Паус изјави дека тие се свесни за извештаите за ретки, сериозни заболувања кај децата. „Во последните неколку дена ги гледаме овие извештаи. Побаравме од нашите експерти да го разгледаат ова како итно прашање“.
Во предупредувањето, издадено од NHS Англија, се вели дека постои „зголемена загриженост“ дека воспалителен синдром поврзан со коронавирус се појавува кај децата во Велика Британија или дека може да има друга, сè уште неидентификувана, инфекција поврзана со овие случаи.
Овие млади пациенти на различна возраст биле сериозно болни. Тие имале слични карактеристики на синдромот на токсичен шок, што може да вклучува висока температура, низок крвен притисок, осип и отежнато дишење.
Сепак, експертите истакнуваат дека многу малку деца сериозно се разболуваат од коронавирус – податоците од целиот свет укажуваат дека тие се популацијата најмалку погодена од оваа болест
Некои, исто така, имале гастроинтестинални симптоми – болка во стомакот, повраќање или дијареја – и воспаление на срцето, како и абнормални резултати на тест за крв.
Експертите велат дека ова се знаци што можете да се видат кога телото ќе се презасити додека се обидува да се бори против инфекцијата.
Докторите советуваат дека овие случаи имаат потреба од итен третман.
Сепак, експертите истакнуваат дека многу малку деца сериозно се разболуваат од коронавирус – податоците од целиот свет укажуваат дека тие се популацијата најмалку погодена од оваа болест.
Д-р Назима Патан, консултант за педијатриска интензивна нега во Кембриџ, вели дека колегите во Шпанија и Италија пријавуваат слични случаи, кои личат на синдром на токсичен шок и Кавасаки болест (што влијае на крвните садови и на срцето). „Генерално, се чини дека децата се поотпорни на сериозна инфекција на белите дробови после изложеност на коронавирус, а бројките на деца кои ги имаме во единиците за интензивна нега се релативно ниски.“
NHS Англија соопшти дека знае за помалку од 20 вакви случаи во земјата, каде што поврзаноста е забележана од страна на клиничарите. Истражувањата ќе продолжат, но сè уште не е воспоставена конечна врска“, рече нивниот портпарол.
Кралскиот колеџ за педијатрија и детско здравје (RCPCH) додава дека родителите треба да добијат дополнителна, конкретна потврда за овие укажувања, но доколку се загрижени за здравјето на нивните деца од која било причина, треба да побараат помош од професионалец.
Проф. Симон Кени, национален клинички директор на NHS за деца и млади изјави: „Советот до родителите останува ист: Ако сте загрижени за вашето дете од која било причина, контактирајте го NHS 111 или вашиот семеен лекар за итен совет, и ако професионалец ви каже да одите во болница, ве молиме одете во болница “.
Кога да побарате помош
Децата може да се заразат од коронавирус, но ретко тоа е сериозно. Ако вашето дете не е добро, најверојатно станува збор за некоронавирусна болест, отколку за самиот коронавирус.
RCPCH ги советува родителите да побараат итна помош доколку нивното дете:
- Станува бледо, има дамки на кожата и се чувствува абнормално ладно на допир;
- Има паузи во дишењето (апнеја), има нерегуларно дишење или почнува да гровта;
- Има сериозни потешкотии при дишењето, станува вознемирено или не реагира;
- Помодрува околу усните;
- Има напад;
- Многу е потресено (плаче), збунето е, многу летаргично (тешко се буди) или не реагира;
- Развива осип што не исчезнува со притисок;
- Има болка во тестисите, особено кај тинејџери.
(Би-би-си)
